Naýqastardyń 97%-y vaksına qabyldamaǵan

E.Spanovtyń aıtýynsha, pande­mııa bastalǵaly Qostanaı oblysynda 31 492 koronavırýs juqtyrý jaǵ­daıy tirkelgen. Qazir 21 ınfeksııalyq stasıonarda 607 adam emdelip ja­tyr. Epıdemııalyq ahýal kúrdelen­gen jaǵdaıda, emdeý mekemelerindegi kere­ýet sanyn 3 myńǵa deıin art­tyrýǵa múmkindik bar. Karantın ta­lap­tarynyń saqtalýyn qamtamasyz etý maq­satynda mobıldik toptardyń j­u­mysy jalǵasýda. Tekserý toptary bıyl tamyzdyń birinen bastap 2 myń­nan astam reıd sharalaryn ót­ki­zip, shekteý tártibin buzǵan 206 kásip­oryndy anyqtaǵan. Búginge deıin óńir turǵyndarynyń 61%-dan astamy vaksınanyń birinshi syńaryn, al 53 paıyzdan astamy ekinshi syńaryn qabyldaǵan. Aımaqta «Ashyq» jobasyna qatysý úshin 4 819 ótinim qa­byldanyp, olardyń 4 719-y QR-kod aldy. Tamyz aıynan bastap eseptegende, Tobyl-Torǵaı óńirinde 1 978 nysan «Ashyq» jobasyna tirkelgen.

E.Dáýletbaev túsindirý jumys­tarynyń nátıjesinde óńirde sońǵy eki jeti boıy indet juqtyrý jaǵdaıy turaqty túrde tómendep kele jatqanyn jetkizdi.

– Búginde medısına qyzmetkerleri men muǵalimderdiń, kúsh qurylymdary qyzmetkerleriniń 95 paıyzdan astamy vaksına qabyldady. О́ńirde tirkelgen naýqastardyń 97 paıyzy – koronavırýs ınfeksııasyna qarsy vaksına qabyldamaǵandar, – dedi E.Dáýletbaev.

Qostanaı oblysy epıdahýaldyq kórsetkishi boıynsha áli de «qyzyl aımaqta» jatqandyqtan, óńirdegi kóp­tegen nysan tolyqqandy jumys isteı almaı otyr. Olarǵa eń aldymen nysanǵa kiretin adamdardyń sanyn shekteý, belgilengen araqashyqtyqty saqtaý, jumys ýaqytyn qysqartý, mas­ka rejimin, sanıtarlyq tazalyqty saqtaý sııaqty talaptar qoıylyp otyr. О́ńirde «Ashyq» jobasyna qatysyp jatqan nysandardyń demalys jáne mereke kúnderi jumys isteýine, jumys ýaqytyn uzartýyna ruqsat berilgen.

Baspasóz jıyny barysynda R.Aıt­baev aımaqtaǵy emdeý meke­meleriniń dári-dármekpen jetkilikti túrde qam­tamasyz etilgenin aıtty.

– Oblystaǵy dárihanalar men stasıonarlarda dári-dármek pen jeke qorǵanysh quraldarynyń eki aılyq qory bar. Joǵary suranysqa ıe dári­ler de jetkilikti. Biz qazir táýli­gine 2 jarym myńǵa deıin testileý, zert­teý jumystaryn júrgize alamyz. Ar­qalyq qalasynda táýligine 300 testi­leý júrgizetin zerthana ashyl­ǵan. Bul oblystyń ońtústik aýdan­daryn­­daǵy turǵyndardy testileý máse­lesiniń sheshilýine múmkindik berip otyr. Búginde oblysta barlyǵy 190 stasıonarlyq jáne jyljymaly ekpe pýnktteri jumys istep jatyr. Munyń syrtynda halyq kóp jınalatyn qoǵamdyq oryndarda da vaksınalaý oryndaryn ashyp qoıdyq. Búginge deıin oblysqa koronavırýs­qa qarsy vaksınanyń 381 535 dozasy jetkizildi, – dedi basqarma basshysy.

Oblys turǵyndaryn erikti túrde jappaı vaksınalaý sharalaryna arnaıy daıyndyq kýrsynan ótken 426 medısına qyzmetkeri tartylǵan.

Qostanaı