«Negizinen túıme, monshaq, qashyqtan basqarý pýltindegi batareıalar sııaqty ártúrli usaq zattardy jutyp qoıǵan 1 men 5 jas aralyǵyndaǵy balalar keledi. Dárigerler shyǵarǵan bógde zattardyń 17 paıyzy – magnıtter. Kóbinese mundaı jaǵdaılar oınap júrip, qaraýsyz qalǵanda bolady», deıdi hırýrg-dáriger Serikjan Nurjanov.
Aýrýhananyń málimetinshe, 56 balanyń óńeshinen osyǵan uqsas bógde zattar shyǵaryldy, asqazan men asqazan-ishek joldarynda mundaı zattar 80 baladan tabyldy, bóten zattar bronhtar men tynys jolyna túsýinen 30 bala zardap shekti.
«О́tken aptada magnıtti-rezonansty tomografııalyq (MRT) zertteý úshin aýrýhanaǵa túsken 7 jasar qyzǵa operasııa jasaldy. Balanyń murnyn tekserý kezinde dárigerler muryn septýmynyń perforasııasymen bóten zattar murynyn (magnıttermen) bitep qalǵanyn anyqtady.
Osydan keıin bala rentgendik zertteýge jiberildi, ol jaqta da asqazanda magnıtterdiń jınalǵany anyqtady. Nátıjesinde biz 100-den astam kishkentaı magnıtti shyǵardyq. Qazirgi ýaqytta tekserý jáne emdeý tolyq kólemde júrgizilýde», dedi aýrýhananyń hırýrgııalyq blogynyń jetekshisi Rınat Baıgıreev.
«Eger bala magnıtti jutyp qoısa, ol óńeshte tirelip qalady, al basqa jaǵdaılar da asqazanǵa túsedi. Odan ári bógde zattardyń asqazan-ishek joldaryna túsip ketýine aınalmaly bulshyq et kedergi keltiredi. Eger magnıttiń ótkir, úshkir tustary bolsa, óńeshtiń shyryshty qabyǵynyń ártúrli tereńdikke, tipti onyń tolyq syzyqtyq úzilýine deıin zaqymdanýy múmkin. Ásirese aýyr zardaptar bóten zatty birden emes, birneshe kúnnen keıin shyǵarǵan jaǵdaılarda bolady. Keń kólemdi qabyný ınfıltrasııasyn ǵana emes, sonymen qatar tinderdiń nekrozyn da týdyratyn jaralar paıda bolady», dep habarlady hırýrg-dáriger Serikjan Nurjanov.
Sondaı-aq, ol bógde zat denede neǵurlym uzaq bolsa, bala úshin soǵurlym qaýipti bolady deıdi.
«Eger bala bir magnıtti jutyp qoısa, onda ol negizinen tabıǵı túrde ózi shyǵady. Eger olar denede uzaq ýaqyt bolsa jaǵdaı qıyndaıdy. Olar asqazan-ishek joldarynyń ártúrli bólikterine jabysyp qalady. Al jabysqan jerde nekroz perforasııaǵa deıin damıdy jáne perıtonıtke ulasady. Eger tynys alý jolynda bógde zat bolsa, onda ol atelektazdy, sol jerde perforasııaǵa, medıastınıtke deıin irińdeýdi týdyrady, al eger AIJ - ǵa tússe, onda ol perforasııa men perıtonıtti týdyrady», deıdi maman Nurjanov.
Dárigerler ata-analarǵa saq bolýy kerektigin jáne mundaı jaǵdaıda dereý medısınalyq kómekke júginý qajettigin eskertedi.
