Elorda • 16 Qyrkúıek, 2021

Elordada Atyraý, Jambyl oblystarynyń aýylsharýashylyq jármeńkesi ótedi

87 ret kórsetildi

Osy demalys, ıaǵnı 18 jáne 19 qyrkúıek kúnderi elordada Atyraý men Jambyl oblystary taýar óndirýshileriniń qatysýymen kezekti aýyl sharýashylyǵy jármeńkesi ótedi. Barlyǵy 336 tonna jańa ónim satylady, dep habarlaıdy Egemen.kz Nur-Sultan ákimdiginiń resmı saıtyna silteme jasap.

Jármeńke dástúrli túrde sanıtarlyq talaptardy saqtaı otyryp, «Han Shatyr» SOO janyndaǵy alańda uıymdastyrylady. Jármeńkede óńirler túrli ónimder usynady.

Jalpy alǵanda eki oblys elordaǵa 336 tonna ónim ákeledi, ol naryq baǵasynan 10-15% tómen baǵamen satylatyn bolady.

Atyraý oblysy qala turǵyndaryna 20 tonnadan astam et, 36 tonna balyq jáne balyq ónimderi, 3 tonna sút ónimi, 1 tonna shujyq ónimi, 90 tonna kókónis ónimi, sondaı-aq 60 000 dana jumyrtqa, 0,5 tonna nan ónimi, 0,5 tonna et konservi, 1 tonna makaron ónimi, 0,5 tonna un ákeledi.

Al Jambyl oblysy elordaǵa 18 tonna et (jylqy eti, sıyr eti, qoı eti jáne qus eti), 3,5 tonna shujyq ónimi, 12,1 tonna sút ónimi, 5,4 myń dana jumyrtqa, 1 tonna kondıterlik ónim, 3 tonna makaron ónimi, 5 tonna qant, 0,3 tonna tuz, 4 tonna balyq, 2,7 tonna ósimdik maıy, 2,5 tonna bal, 1 tonna keptirilgen jemis, sondaı-aq 128,6 tonna kókónis pen jemis satylady.

Jármeńkege kelýshiler sanıtarlyq talaptardy tolyqtaı saqtaýy qajet: maska taǵý, áleýmettik qashyqtyq jáne qoldy dezınfeksııalyq quraldarmen zalalsyzdandyrý.

Sońǵy jańalyqtar

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar