Polısııa málimetinshe, muqııat daıyndalǵan arnaıy operasııa nátıjesinde kúdiktiler quryqtalǵan. Esirtki zattaryn satýdy uıymdastyrǵany úshin 20 jáne 21 jastaǵy Oral turǵyndary ustalǵan.
«Ormandy, sondaı-aq kúdiktilerdiń turǵylyqty jerin tintý kezinde bir keliden asa untaq tárizdi preparattar men 55 amfetamın tabletkalary jáne 500 grammǵa jýyq shóp tektes preparattar tárkilendi. Shara nátıjesinde 4300 danadan asa sıntetıkalyq esirtkiniń taralýyna jol berilmedi», dedi ol BQO polısııa departamentiniń bastyǵy Mahsýdhan Ábilazımov.
Derek boıynsha qazirgi ýaqytta Qylmystyq kodekstiń 297-baby 3-bóligi boıynsha sotaldy tergeý júrgizilip jatyr. Ustalǵandar múlkin tárkileı otyryp on jyldan on bes jylǵa deıingi merzimge bas bostandyǵynan aıyrylýy múmkin.
Polısııa departamentiniń málimetinshe, jyl basynan beri óńirde esirtki bıznesine qatysty 66 qylmys anyqtalǵan, onyń 23-i esirtki satýmen baılanysty. Zańsyz aınalymnan 50 keliden asa esirtki alyndy, onyń ishinde 1,3 kelisi sıntetıkalyq esirtki.
