Ekonomıka • 16 Qyrkúıek, 2021

Tamaq óndirisindegi tabysty joba

53 ret kórsetildi

Qaraǵandyda Qazaqstan men Ortalyq Azııadaǵy tamaq ónerkásibine arnalǵan maı ónimin jetekshi óndirýshilerdiń biri bolyp tabylatyn «Eurasian Foods» AQ kásipornynda jabdyqty jańartýdyń kezekti kezeńi aıaqtalady. Tek sońǵy bes jyldyń ishinde Eurasian Foods Corporation holdınginiń quramyna kiretin kásiporyn óz óndirisin jańartýǵa 4,7 mlrd teńgeden astam ınvestısııa salǵan, dep jazady Egemen.kz.

Kezekti kezeń aıaqtalǵannan keıin «Eurasian Foods» AQ óndiristik qýatyn jylyna 70 myń tonnadan astam daıyn ónimge deıin arttyryp assortımentin keńeıte alady. Alpaýyt ujym ónim sapasyn arttyrý arqyly jáne óńirdegi jáne eldegi eń myqty tamaq ındýstrııasy kásiporyndarynyń biri retinde óz pozısııasyn kúsheıtýdi kózdep otyr. 

Jańǵyrtý nátıjesinde búgingi tańda saladaǵy eń zamanaýı jáne joǵary ónimdi kásiporyndardyń biri bolyp tabylatyn kásiporynda shyǵarylatyn ónimniń álemdik sapasyn qamtamasyz etýge múmkindik beretin jetekshi óndirýshilerdiń qosymsha jańa jabdyqtary ornatyldy. Margarın daıyndaý boıynsha nemis óndirisiniń tehnologııalyq jelisi paıdalanýǵa berildi. Osy jelini iske qosýdyń arqasynda óndiriletin ónimderdiń fýnksıonaldyq sıpattamalary jaqsardy, sondaı-aq ónimdiligi saǵatyna 11,7 tonnaǵa deıin artty. Qatparly qamyrǵa arnalǵan margarınderdi ólshep oraý boıynsha jańa jeli iske qosyldy, bul óndiristi 2 esege – saǵatyna 4,8 tonnaǵa deıin ulǵaıtýǵa múmkindik bermek.  Jańa ólshep-oraý avtomaty (Germanııa) paıdalanýǵa berildi, bul ólshep-oralǵan ónim óndirisin saǵatyna 6,5 tonnaǵa deıin ulǵaıtýǵa múmkindik berdi. 

О́nimderdi ólshep-oraý, olardy tıeýge býyp-túıý – personaldyń qatysýynsyz avtomatty jelilerde júrgiziledi. Eýropalyq óndiristiń tehnologııalyq jabdyqtarynyń tolyqtaı avtomattandyrylǵan SIP-jýǵyshtary mıkrobıologııalyq tazalyqty qamtamasyz etýge kómektesedi. Jyldyń sońyna deıin jańa tehnologııalyq qoımany, sondaı-aq barlyq óndiristik úı-jaılarda táýlik boıy mıkroklımatty saqtap turatyn aýa baptaý júıesin paıdalanýǵa berý josparlanýda. Búgin «Eurasian Foods» AQ jelisinde eń zamanaýı álemdik sapa standarttaryna jaýap beretin ónimderdiń keń assortımenti usynylǵan. «Eurasian Foods» AQ óndiretin ónimdi otandyq kondıterlik jáne nan-toqash ónimderin óndirýshilerdiń 70%-dan astamy paıdalanady. 

Kompanııa óz ónimin álemniń 11 eline – Reseı, Qyrǵyzstan, Qytaı, О́zbekstan, Ázirbaıjan, Armenııa, Grýzııa, Tájikstan, Túrkmenstan, Aýǵanstan, Monǵolııaǵa eksporttaıdy. Osy jyldyń qańtar-maýsymynda «3 jelanııa», «Shedevr» jáne «Zolotoı standart» brendteriniń ónimderiniń eksporty 25%-ǵa artty.

Kásiporynnyń tarıhy 1971 jyly, Qaraǵandyda óndiristik qýaty 20 myń tonna bolatyn zaýyt paıdalanýǵa berilgen kezden bastaý alady. 1997 jyldan bastap zaýytty qaıta qurý jáne óndiristi jańǵyrtý prosesi úzdiksiz júrgizilýde. 

Kásiporynda óndiristiń barlyq kezeńderinde sapaǵa turaqty baqylaý júrgiziledi. Osy maqsatta kelip túsetin shıkizat pen daıyn ónimniń fızıkalyq-hımııalyq jáne mıkrobıologııalyq parametrlerin tekserýdi júzege asyratyn menshikti attestattalǵan zerthanalar qurylyp, tabysty jumys isteýde. Zerthanalar jańa jabdyqtarmen, atap aıtqanda, kelip túsetin shıkizat pen shyǵarylatyn ónimniń maı-qyshqyl quramyn egjeı-tegjeıli anyqtaýǵa múmkindik beretin zamanaýı gaz hromatograftarymen jabdyqtalǵan. 

2010 jyly kásiporynda ınnovasııalyq tehnologııalyq zerthana quryldy, onyń qyzmeti ónimniń tutynýshylyq qasıetterin jaqsartý jáne jańa túrlerin ázirleý boıynsha jumystarmen baılanysty. Kásiporyn assortıment jelisin únemi keńeıtip, jańa ónimder shyǵaryp turady. Sondaı-aq, «Eurasian Foods» AQ-nyń barlyq ónimi Keden Odaǵynyń tehnıkalyq reglamentterine sáıkestigi týraly deklarasııaǵa ıe jáne «Halal» talaptaryna jaýap beredi.

Kásiporyn V2V sektoryndaǵy seriktestermen tyǵyz jumys isteıdi. «Eurasian Foods» AQ tehnologtary nan–toqash jáne kondıterlik ónimderdi óndirýshilerge keńes beredi, naqty óndiristik prosess úshin qandaı ónim qolaıly ekendigi týraly usynystar beredi, klıentterdiń jeke talaptary boıynsha reseptýralar ázirleıdi, kóshpeli master-klasstar ótkizedi. 

«Eurasian Foods» AQ Qaraǵandy oblysynyń eń iri salyq tóleýshilerdiń úshtigine kiredi – ótken jyly kásiporyn memleket bıýdjetine salyq túrinde 2,89 mlrd teńge aýdardy. Zaýytty jańǵyrtýdyń kezekti kezeńin aıaqtaý bizge óndiris kólemin, ıaǵnı salyq túsimderin ulǵaıtýǵa múmkindik beredi. Osy jyly bizdiń zaýytqa 50 jyl tolady jáne  mereıtoıymyzdy eń zamanaýı jabdyqtarmen jabdyqtalǵan, óz salasynda óndiris standarttaryn belgileıtin jáne mańyzdysy óz qyzmetkerlerine qatysty áleýmettik jaýapty bolyp tabylatyn eldiń tamaq ónerkásibiniń jetekshi kásiporyndarynyń biri degen mártebede qarsy alatynymyz qýantady, óıtkeni adamdar – kez kelgen kompanııanyń basty aktıvi», dep aıtyp ótti «Eurasian Foods» AQ Basqarma Tóraǵasy Oleg Vınokýrov.  

Búginde «Eurasian Foods» AQ shtatynda 650 adam jumys isteıdi. Pandemııamen baılanysty daǵdarys kezeńinde kásiporyn jumysyn jalǵastyrdy, qıyndyqtarǵa qaramastan, ujymdy tolyǵymen saqtap qala aldy – birde-bir qyzmetker qysqartýǵa ushyraǵan joq. Kompanııa ákimshiligi kásibı ósýdi qamtamasyz etý úshin kóp kúsh jumsaıdy: «Eurasian Foods» AQ qyzmetkerleri únemi mindetti óndiristik oqýdan ótedi, kásibı taqyryp boıynsha semınarlarǵa qatysady, sheteldik kásiporyndarda taǵylymdamadan ótedi, jańa ónimderdi engizý kezinde eýropalyq áriptesterimen keńesedi. 

О́ńirdegi iri jumys berýshilerdiń biri tek óz qyzmetkerleri men olardyń otbasylaryna ǵana emes, Qaraǵandy oblysynyń turǵyndaryna da qatysty áleýmettik jaýapkershilik saıasatyn júzege asyrady. Kóptegen jyldar boıy «Eurasian Foods» AQ múmkindigi shekteýli balalar men eresekterge kómektesýge tyrysady jáne «Balalar – ómir úshin» qoǵamdyq birlestigi men «Úmit» Erikti múgedekter qoǵamyna demeýshilik kómek kórsetedi. Kompanııa sonymen qatar M. Áýezov atyndaǵy Ortalyq qalalyq kitaphanaǵa, Oblystyq týberkýlezge qarsy balalar sanatorıine qoldaý kórsetedi. 

«Zaýyttyń 50 jyldyq mereıtoıyna oraı biz «Eurasian Foods» AQ aýmaǵynda 50 qylqan japyraqty aǵash otyrǵyzýdy josparladyq. Aıta ketý kerek, bul bir rettik aksııa emes – kásiporyn aýmaǵyn jáne jaqyn mańdaǵy ýchaskelerdi kógaldandyrýdy biz únemi júrgizip otyramyz, bul qala ekologııasyna qamqorlyq jasaýǵa qosqan úlesimiz», dep túsindirdi Oleg Vınokýrov.

Sońǵy jańalyqtar

Vaksına saldyrǵandar sany artty

Koronavırýs • Keshe

905 adamnan koronavırýs anyqtaldy

Koronavırýs • Keshe

Uqsas jańalyqtar