Ekonomıka • 17 Qyrkúıek, 2021

Jańa zaýyt – eksportqa baǵdarlanǵan joba

83 ret kórsetildi

«Maslo-Del Petropavl» JShS jańa zaýyttyń qurylysyn bastady. Kásiporyn táýligine 1 200 tonna maıly daqyldardy qaıta óńdemek. Jobany Qazaqstannyń damý banki qarjylandyrady.

«Maslo-Del» kompanııalar tobynyń dırektory Pavel Selıvanovtyń aıtýyn­­sha, jańa zaýyt maıly daqyldardy qaı­ta óńdeý, zyǵyr jáne raps ma­ıyn, sondaı-aq iri qara malǵa arnalǵan jem­di (kúnjara) óndirý kólemin edáýir art­ty­rý­ǵa múmkindik bermek. Kásiporyn tolyq jobalyq qýattylyqqa shyqqan soń jylyna 180-300 myń tonna maıly daqyldar tuqymyn qaıta óńdeýdi jos­parlap otyr. Bul maıly tuqymdardyń jyldyq jalpy túsiminiń 7,6-12,7 pa­ıyzyn quramaq.

Joba tolyǵymen eksportqa baǵdar­lan­ǵan. Negizgi baǵyt – Qytaı. Al jemshóp eksporty úshin Eýropa, Reseı jáne Qytaı naryǵy tańdalyp otyr. Zaýyt 2023 jyly paıdalanýǵa berilmek.

– О́ndiris barysynda syrtqy naryq­tar­dyń suranysyn arttyrý úshin sýyqtaı syǵý tehnologııasyn paıdalanýdy kózdep otyrmyz. О́ıtkeni joba respýblıkanyń eksporttyq áleýetin damytýǵa baǵyt­tal­ǵan. Álemdik standarttarǵa sáıkes bolý úshin óndiristik jabdyqtar jetekshi eýropalyq kompanııalardan satyp alynatyn bolady. Sonymen qatar kiris shıkizatynyń sapasyn baqylaýǵa ar­nal­ǵan zerthana keńeıtilmek, – deıdi P.Selıvanov.

Kásiporynnyń básekege qabilettiligi joǵary. Buǵan oń áser etetin bir­ne­she faktor bar. Olar – shıkizat re­sýrs­tarynyń jaqyndyǵy, zamanaýı eýropalyq jab­dyq­tar men jańa teh­nologııalardy paı­dalaný, joǵary bi­likti kadrlardyń jáne uqsas jobalar­dy iske asyrýda kompanııanyń mol tájirıbesiniń bolýy. Sondaı-aq «Maslo-Del Petropavl» seriktestiginde maıly daqyldar tuqymyn saqtaýǵa arnalǵan jeke elevator bar. Bul ózindik qundy aıtarlyqtaı tómendetýge jáne maı tuqymdaryn neǵurlym qolaıly baǵamen satyp alýǵa múmkindik beredi.

Jobanyń jalpy quny – 15 mlrd teńge. Onyń 73 paıyzyn nemese 11 mlrd teńgesin Qazaqstannyń damý banki usynady. Qarjy ınstıtýty qaryzdy 12 jylǵa berip otyr. Joba «Bıznestiń jol kartasy – 2025» jáne 2015-2019 jyldarǵa arnalǵan Indýstrııalyq-ınnovasııalyq damý baǵdarlamalary aıasynda iske asyrylýda. Banktiń kredıttik qarajaty iske qosý-retteý jumystaryna, jabdyqty satyp alýǵa jáne montajdaýǵa jumsalmaq.

– «Maslo-Del» kompanııalar toby – bizdiń senimdi seriktesimiz. Pet­ro­pavl­daǵy jańa zaýytty qarjylan­dy­rý­dan bólek, Qazaqstannyń damý banki kásiporynǵa 20 myń tonna ósimdik ma­ıyn óndirý úshin maı tuqymdaryn satyp alý jobasy boıynsha qoldaý kórsetýde. Bank qoldaýymen óndirilgen maı tolyq kólemde eksportqa, negizinen Qytaıǵa jetkiziledi. «Maslo-Del» brendiniń ósimdik maıy O'live, «Jaılaý» jáne taǵy da basqa saýda markasymen satylady, – dedi Qazaqstan damý bankiniń basqarýshy dırektory Ádil Ismaǵambetov.

Zaýytty iske qosý maıly daqyldar tuqymyn óndirýde kóshbasshy sanalatyn Soltústik Qazaqstan oblysy úshin úlken áleýmettik mańyzǵa ıe. Zaýyt jer­gi­likti aýyl sharýashylyǵy ónimderin ón­dirýshilerdi kúnbaǵys, zyǵyr, raps sekildi maıly daqyldardy sebýdi ulǵaı­tý­ǵa yntalandyrmaq. Joba aıasynda qosymsha 217 jumys orny qurylady. Sondaı-aq óndiris kólemin jáne ónim eksportyn jylyna 300 myń tonnaǵa deıin ulǵaıtýǵa jol ashady. Bul óńirdegi óńdeý úlesin 30 paıyzdan 60 paıyzǵa deıin ulǵaıtýǵa múmkindik beredi.

Derekterge súıensek, «Maslo-Del» kompanııasynyń eksporty jyl ótken saıyn ósip keledi. Máselen, 2015 jyly ónim eksporty 2,44 mlrd teńgeni, 2020 jyly 10,16 mlrd teńgeni qurady. Osy jyldyń qańtar-tamyzyndaǵy kórsetkish 11,48 mlrd teńgege teń. 2015 jyldan beri eksport 5 ese ósken. Al jańa zaýyt iske qosylǵannan keıin eksport qazirgi deń­geı­men salystyrǵanda taǵy 2 ese ul­ǵaıady dep kútilýde. О́ndiris kóleminiń ul­ǵaıýy bıýdjetke túsetin salyqtyq túsim­derdi arttyrady. Bul rette jylyna sha­mamen 1,2 mlrd teńge salyq túsedi dep kútilýde.

Búginde Qazaqstannyń damý banki azyq-túlik baǵytynda 3 ınvestısııalyq joba men 7 eksporttyq operasııany júzege asyrýda. Taǵy birneshe joba daıyndyq ústinde. Jalpy, bank iske qosylǵan sátten bastap bul baǵytta 16 ınvestısııalyq joba men 52 eks­port­tyq operasııa iske asyrylǵan. Bank­tiń kredıttik qorjynyndaǵy aýyl sharýa­shy­lyǵy jobalarynyń úlesi 2,5 pa­ıyzdy qu­rap otyr. Bul degenimiz – 46 mlrd teńge.

«Maslo-Del Petropavl» JShS 2006 jyly sút óńdeıtin óndiristik kásiporyn retinde qurylǵan. 2013 jyly qyz­met túrin maıly tuqymdardy kep­ti­rý, ta­zalaý jáne saqtap óńdeý baǵy­ty­na óz­­gert­ken. Jekemenshik astyq saq­taý qoı­­masynyń qýattylyǵy 58 myń ton­nany quraıdy. Ol Buhler jáne Petkus kompanııasynyń zamanaýı qu­ryl­ǵylarymen jabdyqtalǵan. Munda 29 adam jumys isteıdi. Kásiporyn «Maslo-Del» kom­panııalar tobynyń quramyna kiredi.

Sońǵy jańalyqtar

Parlament depýtattary kanıkýlǵa ketti

Parlament • Búgin, 10:56

Beısenbige arnalǵan aýa raıy boljamy

Aýa raıy • Búgin, 09:55

Álemde COVID-19 juqtyrý deregi kúrt ósti

Koronavırýs • Búgin, 09:28

Asýdyń qarsylasy anyqtaldy

Sport • Búgin, 08:39

Qatarynan 18 ret jeńildi

Sport • Búgin, 08:37

Býblık pen Rybakına qaldy

Sport • Búgin, 08:35

Qııardan mol ónim alady

Aımaqtar • Búgin, 08:34

Sıfrlandyrýda oń ózgerister bar

Tehnologııa • Búgin, 08:30

AITV ınfeksııasyn anyqtady

Medısına • Búgin, 08:25

Jetesovter áýletiniń jeke konserti

О́ner • Búgin, 08:23

Bul tańdaýdyń máni tereńde

Qazaqstan • Búgin, 08:08

Birlik pen kelisimniń úlgisi

Qazaqstan • Búgin, 08:05

Qos jobany qaıta qaraý qajet

Qazaqstan • Búgin, 08:00

Uqsas jańalyqtar