Daryndy avtorlardy, rejısserler men akterlerdi, sondaı-aq úzdik fılmderdi anyqtaýdy maqsat etken joba aıasynda tájirıbe almasý úshin sheberlik saǵattary ótkizilip jatyr.
Festıvaldyń ashylý saltanatynda adamnyń ashkózdigi, qatygezdigi men erekshe ómiri sýrettelgen Erlan Nurmuhambetovtiń «Konokrady. Ýaqyt joldary» fılminiń tusaýkeseri jáne jabyq kórsetilimi usynyldy. Fılmniń basty keıipkeri – Kann kınofestıvaliniń laýreaty Samal Eslıamova. Festıvalda Altynaı Nógerbek, Erlan Nurmuhambet, Jeńishan Momyshev jáne qazylar alqasynyń tóraıymy Merýert О́tekeshova tórelik etýde.
Sondaı-aq qazirgi qazaq kınosynyń ókilderi shaqyrylǵan. Aıta keteıik, kınofestıvalǵa ótinim berý 10 qyrkúıekte aıaqtalaǵan edi. Jalpy sany 101 ótinim kelip tússe, onyń 31-i ekinshi kezeńge ótti. Dodada Qyrǵyzstan, О́zbekstan, Belarýssııa, Ýkraına, t.b. 10-nan astam ózge memlekettiń kınolary baq synap jatyr.
