Ekologııa • 17 Qyrkúıek, 2021

Qazaqstanda Eýrazııalyq ekologııalyq qor quryldy

113 ret kórsetildi

Bastamany QR Parlamenti Májilisiniń depýtaty, ECOJER Qaýymdastyǵy Keńesiniń tóraǵasy Lázzat Ramazanova Ortalyq Azııa ekologııa mınıstrleriniń «C5+1» kezdesýinde aıtty, dep habarlaıdy Egemen.kz.

Is-shara AQSh Prezıdentiniń arnaıy ókili Djon Kerrıdiń tóraǵalyǵymen onlaın rejıminde ótti.

«Qazaqstan búginde klımattyq ózgeristerdiń saldaryn sezinýde. Olardy barynsha azaıtý úshin ECOJER qaýymdastyǵy jasyl qarjy ortalyǵymen birlesip «Astana» AHQO bazasynda Eýrazııalyq ekologııalyq qor qurdy. Ol kógaldandyrý, bıoalýantúrlilikti saqtaý jáne aýmaqtardyń shóleıttenýine qarsy kúres jónindegi jobalardy damytatyn bolady», dep málimdedi Lázzat Ramazanova.

Ol Qazaqstanda qurǵaqshylyq ulǵaıyp, jappaı kógaldandyrý sheshýshi ról atqaratynyn atap ótti. Erozııaǵa qarsy jáne jelden qorǵaıtyn orman ekpeleri klımattyń ózgerýine beıimdelýge jáne halyqtyń ómir súrý sapasyn jaqsartýǵa yqpal etedi. Orman ekpeleri parnıktik gazdy sińirip qana qoımaıdy, sonymen qatar turaqty Landshafttardyń paıda bolýyna yqpal etedi: olar sý rejımin retteıdi, topyraqtyń jaǵdaıyn jaqsartady, olardy aýylsharýashylyǵyna saqtaıdy, sonymen qatar ósimdikter men janýarlarǵa qonys aýdaratyn dálizder jasaıdy.

«Qazaqstannyń bastamalary kórshi elderge qyzyqty bolýy múmkin dep senemin. Aral jáne Kaspıı teńizderin, tereń teńiz ózenderin, Tıan-Shan muzdyqtaryn saqtaý búkil Ortalyq Azııa ekologııalyq qoǵamdastyǵynyń mindeti bolýǵa tıis. Dál osy baǵytta elderimiz kúsh biriktirýi qajet», dep málimdedi kezdesýde Lázzat Ramazanova.

ECOJER basshysy ekonomıkanyń «turaqty damý relsterine» kóshý qajettiligin atap ótti.

«Bizdiń elimiz kómirtekti energoresýrstarǵa baı, alaıda Qazaqstanda dekarbonızasııa bolmaı qoımaıtynyn shyndyq kórsetip otyr. Kómirtekti beıtaraptyqqa qol jetkizý úshin salany ózgertý ǵana mańyzdy emes. Turaqty jáne utymdy tutyný qaǵıdattaryna, ekologııalyq izdi azaıtýǵa jáne resýrstardy únemdeýge súıene otyryp, búkil qoǵamnyń minez-qulyq mádenıetin ózgertý qajet», dep atap ótti depýtat.

Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar