Departamenttiń málimetinshe, jańa oqý jyly bastalǵanan beri 16 qyrkúıekke deıin oblysta 31 muǵalim, 108 oqýshy koronavırýs ınfeksııasyna shaldyqqan.
Epıdemııaǵa qarsy is-sharalar barysynda naýqastarmen qarym-qatynasta bolǵan 1777 oqýshy, 71 synyp 14 kúndik úı karantınine oqshaýlanyp, oqýlary onlaın formatqa kóshirildi.
Sondaı-aq oblysta 934 bilim berý uıymy 100% «ASHYQ» baǵdarlamasyn engizilgen. Sanıtarııalyq-epıdemıologııalyq baqylaý basqarmalary jańa oqý jyly qarsańynda «ZOOM» platformasy arqyly mektep dırektorlary men medısına qyzmetkerleri arasynda koronavırýstyq ınfeksııanyń aldyn-alý boıynsha semınarlar ótkizgen.
«Koronavırýstyq ınfeksııanyń taralýyn boldyrmaýǵa baǵyttalǵan aqparattyq-túsindirý jumystary jalǵastyrylýda.
QR BMSD Qaýlysyna sáıkes, jaýapty qyzmetkerler barlyq pedagogterge, personal men bilim alýshylarǵa baılanyssyz termometrmen, qoldy antıseptıkpen óńdeý júrgizýdi, ár qabatta qoljetimdi jerlerde antıseptıgi bar sanıtaızerler, las maskalardy jınaýǵa arnalǵan tańbalanǵan syıymdylyqtar (ýrnalar) ornatylyp, dozatorlardaǵy sabynnyń, qol jýý qaǵıdalary bar plakattardyń bolýy qajet», delingen departamenttiń habarlamasynda.
