«Almaty týǵan kúnin toılaýda. Bul ár adam úshin erekshe kún. Pandemııaǵa qaramastan qala damyp keledi», dep jazdy qala ákimi.
Bıyl Almatyda 2,6 mln sharshy metrden astam turǵyn úı paıdalanýǵa beriledi. Olardyń ishinde 248 myńnan astam nemese 4926 páter halyqtyń áleýmettik osal tobyna beriledi. 1013 kópbalaly, tolyq emes jáne múgedek balalardy tárbıelep otyrǵan otbasylar turǵyn úıge ıe bolady.
Jumys isteıtin jastar úshin 1050 jaldamaly páter qarastyrylǵan. «Almaty jastary qalalyq baǵdarlamasy boıynsha — 1000 jeńildetilgen nesıe kózdelgen. Budan basqa jekelegen sanattar úshin «Shańyraq» baǵdarlamasy boıynsha bastapqy jarnany quıýǵa 1 mln teńgeden 2 myń turǵyn úı sertıfıkaty kózdelgen.
«Jyl sońyna deıin 16 myńǵa jýyq oqýshyny qamtıtyn 31 bilim berý nysanyn paıdalanýǵa beremiz. 61 mektep janyndaǵy sport alańdaryn jańartýdamyz. 10 jabyq sport kesheni salynýda», dep tolyqtyrdy ákim.
Qalany kógaldandyrý úshin jyl kókteminde 64 myń túp aǵash egilgen. Qazan aıynan bastap taǵy 350 myń aǵash otyrǵyzylady. 22 saıabaq pen skver jóndelip, jalpy aýdany 284 ga bolatyn 8 jańa saıabaq aımaǵynyń qurylysy bastaldy.
«Biz birge Almatyny ádemi, jaıly ári ásem etip kórkeıtemiz. Búgin ortaq ıgilik úshin eńbek etken árbir janǵa alǵys aıtqym keledi! Barshańyzdy merekemen quttyqtaımyn!», dedi Saǵyntaev.
