Siemens Mobility nemis kompanııasy osy aıdyń basynda Egıpettiń National Authority for Tunnels basqarmasy josparlaǵan 1800 shaqyrymnyń 660 shaqyrymyn salý jóninde kelisimge qol qoıdy.
Birinshi jol Qyzyl teńizdegi Aın-Sohna port qalalaryn Jerorta teńizindegi Mars-Matra jáne Aleksandrııamen baılanystyrady.
Kompanııanyń málimetinshe, jeliniń birinshi ýchaskesi 2023 jyly paıdalanýǵa beriledi.
Egıpet halqy 100 mıllıonnan asady, 1980 jyldan beri eki ese ósti. Shamamen 20 mıllıon halqy bar Kaır qalasy shól dalada ornalasqan. Temir jol salý Mysyr halqynyń suranysyn qanaǵattandyrý úshin jasalyp otyr.
CNN málimeti boıynsha bul baılanys jylyna 30 mıllıonnan astam adamdy tasymaldaýǵa múmkindik beredi jáne jol júrý ýaqytyn 50% qysqartady. Joba shamamen 2027 jyly aıaqtalady.
