Aımaqtar • 19 Qyrkúıek, 2021

Túrkistanda «Bul - bizdiń taýlar» festıvali ótti

99 ret kórsetildi

Túrkistan Oqýshylar saraıy men «Turkistan Tourism Center» ortalyǵy birlese «Bul - bizdiń taýlar» festıvalin uıymdastyrdy, dep jazady Egemen.kz.

Bul sharanyń maqsaty – oqýshylarǵa aımaqtaǵy taýly ólkelerdi tanystyrý, tabıǵat qundylyqtaryn nasıhattaý, taý týrızmin damytý jáne Túrkistan oblysynyń jańa týrıstik baǵyttaryn tanystyrý.

Festıvalǵa Túrkistan qalasyndaǵy 30 mektepten úzdik, belsendi ári talantty 30 oqýshysy jáne «Oqýshylar saraıyndaǵy» úıirmelerge qatysýshy, kóptegen respýblıkalyq jáne halyqaralyq dodalarda top jaryp júrgen daryndy 20 oqýshy qatysty. Olar 18-19 qyrkúıek kúnderi Saıram-О́gem memlekettik ulttyq tabıǵı parki jáne Hantaǵy demalys aýmaǵyna saıahat jasap, túrli qyzyqty saıystar men oıyndar oınap ýaqyt ótkizdi.

1
Aldymen Túrkistan qalasynan jolǵa shyqqan festıval qatysýshylary Saıram-О́gem memlekettik ulttyq tabıǵı parkine bardy. Onda oqýshylar «Bul - bizdiń taýlar» taqyrybynda sýret salýdan synǵa tústi. Odan keıin «Dron ushyrý» boıynsha balalar ózderiniń qabiletterin kórsetti. Sonymen qatar ónerden alys emes balalar óleń, esse jazyp jáne án aıtyp ta talanttaryn kórsetip uıymdastyrýshylardyń júldelerine ıe boldy.

Ekinshi kúni Hantaǵy demalys aýmaǵyna barǵan balalar kedergiler arqyly taý shyńdaryn baǵyndyrdy. Sondaı-aq pikirsaıys uıymdastyryp, ózderiniń jan-jaqtylyqtaryn kórsete bildi.
Oqýshylar saraıy dırektory Indıra Sarqytqyzy: «Balalardy tabıǵatqa jıi alyp barý, olarǵa qyzyqty sátter syılaý óte paıdaly. Men ózim de taýǵa jıi shyǵamyn. Adam tabıǵatpen tildesý arqyly jańa belesterge kúsh-qýat alady. Sonymen qatar, búgingi shara eń birinshi kezekte balalardy tabıǵatty aıalaýǵa úıreteri sózsiz» deıdi.

Eske sala keteıik, atalmysh festıvali 2001 jyldan beri ótkizilip keledi. Jyl saıyn festıval qatysýshylary arasynda ishki týrızmdi damytýǵa qyzyǵýshylyq pen tabıǵatty qorǵaýǵa degen qulshynys artyp keledi.

Sońǵy jańalyqtar

Uqsas jańalyqtar