Almaty qalalyq Polısııa departamentiniń málimetinshe, jeke úılerdiń birine kelgen sot oryndaýshyǵa, ýchaskelik polısııa ınspektorlaryna úı ıesi — 1967 jyly týǵan D. esimdi azamat oq atty. Qyzmet barysynda bes adam, onyń ishinde eki polısııa qyzmetkeri oqtan jaraqat alyp, kóz jumdy.
«Kúdikti ustaldy. Qazirgi ýaqytta jaǵdaı baqylaýda. Qylmystyq is qozǵaldy. Tergeý sharalary júrgizilýde», dep habarlady polısııadan.
Qaza tapqan polısııa qyzmetkerleri: Alataý aýdandyq PB JPQB ýchaskelik ınspektory, polısııa maıory Súleev Darhan Daýylbaıuly, 1982 jyly týǵan. Alataý aýdandyq PB JPQB ýchaskelik ınspektory, polısııa kapıtany Baıǵazıev Nurbol Nazarbaıuly, 1988 jyly týǵan.
