Aımaqtar • 22 Qyrkúıek, 2021

Kóbelekter kórmesi

25 ret kórsetildi

Tobyl óńirine tropıkalyq kóbelekterdiń jyljymaly ekspozısııasy keldi. Klımaty ylǵaldy, ystyq aımaqtardy mekendeıtin qanattylardyń úıshigi arnaıy qurylǵymen jabdyqtalǵan. Ony ınsektarıým dep ataıdy eken. Onyń ishinde kádimgi et jaıatyn aǵashqa uqsaıtyn bambýk taıaqshasynda juldyzqurttar ilinip tur. Bul jerde kóbelektiń qalaı paıda bolatynyn kóre alasyz. Máselen, bizdiń kóz aldymyzda bir juldyzqurt jybyr ete qalyp, qanatyn jaıdy.

Kórmede kóbelektiń bizdiń elde kezdese qoımaıtyn 19 túrin tamashalaýǵa bolady.

– Myna kóbelek attakýs atlas dep atalady. Álemdegi eń iri kóbelekterdiń biri, qa­na­tyn jaıǵanda uzyndyǵy 24 santımetrge deıin jetedi. Kó­belekter jaratylysynan asa názik. Alaı­da evolıýsııalyq damý barysynda olar da qor­ǵa­ný­dy úırene bastady. Keı­bir kóbelekter ýly bolyp keledi, endi bireýleri qussha samǵaıdy. Baıqadyńyzdar ma, attakýs atlastyń qana­tynda jylannyń basyna uq­saıtyn qorǵanysh belgisi bar. О́kinishke qaraı, bul kó­belekterdiń ómiri óte qysqa. Analyǵy 6 kún, al ata­lyǵy 3-aq kún ómir súredi. Olar jul­dyzqurt kezinde jı­naǵan azyq qory bitkenshe ómir súredi. Al endi myna kó­belekti altyn qusqanat dep ataıdy. Bulaı atalýynyń sebebi ol ushqanda kóbelekke qaraǵanda, qusqa kóbirek uqsaıdy. Jyldam kóterilip, bıikke samǵaıdy. Bul da qorǵanýdyń bir túri, – deıdi kórme ekskýrsovody.

Úndistanda attakýs at­las­­ty kádimgideı qol­da us­tap baǵady eken. Kóbe­lek­shi­ler jándiktiń qurtynan myq­­ty túkti jibek mata ala­dy. Muny ózderi fagar jibegi dep ataıdy. Al taı­van­­dyq­tar kó­belektiń kó­lemdi pil­lá­sin ámııan retin­de paıdalanady.

 

Qostanaı oblysy

 

Sońǵy jańalyqtar

Vaksına saldyrǵandar sany artty

Koronavırýs • Keshe

905 adamnan koronavırýs anyqtaldy

Koronavırýs • Keshe

Uqsas jańalyqtar