«2022 jylǵy 1 qańtardan bastap:
jalaqynyń eń tómen mólsheri – 60 000 teńge;
memlekettik bazalyq zeınetaqy tóleminiń eń tómen mólsheri – 19 450 teńge;
zeınetaqynyń eń tómen mólsheri – 46 302 teńge;
járdemaqylardy jáne ózge de áleýmettik tólemderdi esepteý, sondaı-aq Qazaqstan Respýblıkasynyń zańnamasyna sáıkes aıyppul sanksııalaryn, salyqtardy jáne basqa da tólemderdi qoldaný úshin aılyq eseptik kórsetkish – 3 063 teńge;
bazalyq áleýmettik tólemderdiń mólsherlerin esepteý úshin eń tómen kúnkóris deńgeıiniń shamasy – 36 018 teńge bolyp belgilensin», dep jazylǵan jobada.
Atalǵan zań jobasy Memleket basshysynyń 2021 jylǵy 1 qyrkúıektegi «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýyna sáıkes ázirlengen.
Onyń negizgi maqsaty - 2022 jylǵy 1 qańtardan bastap eń tómengi jalaqyny qazirgi 42 500-den 60 000 teńgege kóterý.
Joba 6 qazanǵa deıin kópshilik talqylaýyna ashyq.
