QR Indýstrııa jáne ınfraqurylymdyq damý vıse-mınıstri Marat Qarabaev Qazaqstan mashına jasaýshylarynyń IH forýmynda osyndaı málimet aıtty.
«Sonymen qatar Qostanaı oblysynda 2024 jyly Reseıdiń «KAMAZ» jarııa aksıonerlik qoǵamymen birlesip jylyna 45 myń tonna shoıyn quıatyn zaýytty iske qosý josparlanýda. Odan qozǵaltqyshtar men kópir arqalyqtary jasalady. Sondaı-aq júk tehnıkasyna arnalǵan jetekshi kópirlerdiń basty berilisterin shyǵaratyn zaýyt salynady. Onyń qýaty jylyna 65 myń dana buıym shyǵarýǵa múmkindik beredi. Bul jobalardyń bári tolyǵymen eksportqa baǵdarlanbaq», dedi vıse-mınıstr.
Sonymen qatar Marat Qarabaev Qaraǵandy oblysynyń Saran qalasyndaǵy shına jasaý jobasy iske qosylǵanyn eske saldy.
«Bul zaýyttyń jylyna 3,5 mln shınany shyǵara alady. Sonymen qatar, jaqyn arada óndiriletin komponentterdiń tizimin edáýir keńeıtý josparlary bar», dedi vedomsto ókili.
