«Jalpy, 800-ge jýyq oqýlyqqa usynys kelip tústi. Ulttyq komıssııa janyndaǵy arnaıy jumys toby olardy qarap, saraptap, aýdarylýy tıis oqýlyqtardyń krıterıılerin shyǵardy. Oqýlyqtar sol talaptardyń negizinde irikteldi. 100 oqýlyqty aýdarý jumysy kezeń-kezeńge bólindi. Alǵashqy jyly 17 oqýlyq, sodan keıin 30, odan soń 30, sońynda qalǵan 23 oqýlyq aýdarylyp, joba máresine jetti. Biz dúnıe júzindegi aýdarma uıymdarynyń jumys tásilin, tehnologııasyn zerttedik. Sondaı-aq, oqýlyq shyǵarýmen aınalysatyn ýnıversıtetterdiń janyndaǵy aldyńǵy qatarly baspa úılerimen, halyqaralyq úlken baspa úılerimen baılanys ornattyq. Redaksııa alqasy qurylyp, ár kitapqa jaýapty ǵylymı redaktor, ádebı redaktorlar tańdaldy», dedi Ulttyq aýdarma bıýrosynyń atqarýshy dırektory.
