Prezıdent • 22 Qyrkúıek, 2021

Qasym-Jomart Toqaev: Biz shynymen de jaqsy álem qurýymyz kerek

134 ret kórsetildi

Aqordanyń resmı saıtynda Qasym-Jomart Toqaevtyń COVID-19 pandemııasyna qarsy kúreske arnalǵan Jahandyq sammıtte sóılegen sózi jarııalandy, dep jazady Egemen.kz.

«PANDEMIIаNY TOQTATYP, QAITA JAŃǴYRÝDY JAQSARTÝ»

BUU Bas Assambleıasynyń joǵary deńgeıdegi 76-shy sessııasy

Prezıdent myrza!

Bas hatshy myrza!

Qurmetti Sammıtke qatysýshylar! Hanymdar men myrzalar!

Osy sammıtti der kezinde uıymdastyrǵandaryńyzǵa rızashylyǵymdy bildirýge ruqsat etińizder.

Álem sońǵy onjyldyqtarda densaýlyq saqtaý salasynyń buryn-sońdy bolmaǵan ǵalamdyq daǵdarysyna ushyrap otyr. Sonyń saldarynan týyndaǵan ekonomıkalyq qıyndyqtar teńsizdikterdi arttyrdy jáne ǵalamdyq qoǵamdastyqtyń sharasyzdyǵyn kórsetti.

Qalyptasqan jaǵdaı jan-jaqty ári naqty sharalar qabyldaýdy talap etedi.

Bizdiń basty mindetimiz – shuǵyl túrde vaksınaǵa jahandyq qoljetimdilikti arttyrý bolýy kerek dep oılaımyn.

Bul ǵalamdyq etıka men birliktiń máselesi. О́ıtkeni vaksınalarǵa qol jetkizýdegi ádiletsizdik halyqtyń densaýlyǵyna nuqsan keltirip qana qoımaı, qoǵamdaǵy alshaqtyqty odan ári ulǵaıta bermek.

Biz vaksınalardyń eki mıllıardtan astam dozasymen qamtamasyz etýge jáne densaýlyqqa tóngen jahandyq qaterlerden ujymdyq qorǵanysty jaqsartýǵa baǵyttalǵan jan-jaqty kúsh jumyldyrýdy quptaımyz. Dúnıejúzilik «ujymdyq ımmýnıtetke» úles qosa otyryp, Qazaqstan QazVac vaksınasyn jasaý arqyly ekpe oılap tapqan álemdegi alǵashqy on eldiń qataryna endi.

Jýyrda QazVac koronavırýstyń delta shtammyna tótep bere alatyndaı kúsheıtildi. Búginde Qazaqstan halqynyń 31 paıyzy ekpeni tolyq aldy. Azamattarymyz erkin tańdaý jasaýy úshin vaksınanyń birneshe túrin jetkilikti deńgeıde usynyp otyrmyz. Osy sammıttiń paıdaly ıdeıalary men maqsattaryn júzege asyrý úshin biz naqty ishki josparlarymyz ben mindettemelerimizdi ázirledik. Qazaqstanda ulttyq bıologııalyq qaýipsizdik júıesin qurýdyń zańnamalyq negizi ázirlengen.

Biz halyqaralyq standarttarǵa sáıkes keletin bıologııalyq qaterlerdi boljaýǵa arnalǵan keshendi ári joǵary tehnologııalyq qurylym jasaqtaýǵa umtylamyz.

AQSh basshylyǵynyń kúsh-jigeri men Prezıdent Baıdenniń «Álemdi jaqsartý» jahandyq bastamasy aıasynda seriktestikti damytý arqyly ujymdyq is-qımyldardy qamtamasyz etýge umtylysyn joǵary baǵalaımyz. Sondyqtan Qazaqstan Sizdiń usynyp otyrǵan mindetterdi bekitý týraly kózqarasyńyzben kelise otyryp, osy maqsatqa qol jetkizý úshin óz úlesin qosýǵa daıyn. Bizdiń tájirıbemizge jáne ǵylymı zertteýlerge súıene otyryp, keshendi sharalardy júzege asyrý jóninde birqatar bastamalardy atap ótkim keledi.

Birinshiden, ǵalamdyq deńgeıdegi áleýetti arttyrýǵa nazar aýdarýymyz kerek. Bizge Dúnıejúzilik densaýlyq saqtaý uıymy bekitken alǵashqy medısınalyq-sanıtarlyq kómek salasyndaǵy Almaty deklarasııasynyń negizgi qaǵıdattaryn nasıhattaý qajet.

Biz bolashaqta bıologııalyq apattar men daǵdarystardyń aldyn alý úshin kúsh biriktirýimiz kerek. Osyny eskere otyryp, byltyr men Bıologııalyq qaýipsizdik jónindegi halyqaralyq agenttik qurý týraly bastama kóterdim. Barlyq múddeli taraptarmen tájirıbelik konsýltasııalar júrip jatyr. Biz seriktesterdi osy bastamany qoldaýǵa shaqyramyz.

Ekinshiden, jahandyq týrızm men bızneske COVID-19 pandemııasymen kúreste kómektesý úshin vaksına sertıfıkattaryn ózara moıyndaý baǵytynda jumys isteý mańyzdy. Medısınalyq sertıfıkattar pandemııadan keıingi kezeńde jumysty qaýipsiz qaıta qalpyna keltirýge, ekonomıkanyń tez ońalýyna jáne jańa jumys oryndarynyń ashylýyna yqpal etedi.

Úshinshiden, biz COVID-19 vaksınalaryna degen senimdi arttyrý úshin áleýmettik jelilerdiń quraldaryn qoldanýymyz kerek. Mass-medıadaǵy ǵylymı negizdelgen aqparattardyń tapshylyǵynan qoǵamda kúmán nemese senimsizdik bar. Biz halyqtyń vaksınaǵa degen senimin arttyrý úshin túsindirý jumystarynda naqty derekterge súıenýimiz kerek.

Biz shynymen de jaqsy álem qurýymyz kerek, sonymen qatar ádil, ornyqty, ekologııalyq taza jáne izgilikke negizdelgen «jańa álem» qalyptastyrǵan abzal. Raqmet!

Sońǵy jańalyqtar

Aqtaý ákimine sógis jarııalandy

Aımaqtar • Búgin, 18:45

Almatyda eki kóshe jartylaı jabylady

Aımaqtar • Búgin, 16:48

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Uqsas jańalyqtar