Bıznes • 23 Qyrkúıek, 2021

Kásipkerge jer bermeı, jigerin qum qylady

68 ret kórsetildi

Memleket basshysy Qasym-Jomart Toqaevtyń Qazaqstan hal­qyna Joldaýynda pandemııa zardaby, ásirese shaǵyn jáne orta bızneske aýyr tıip otyrǵany aıtyldy. Búgingideı kúrdeli kezeńde kásipkerlerdiń jumysyna kedergi keltirý memleketke qarsy jasalǵan aýyr qylmys retinde baǵalanýy kerektigin eskertken Prezıdent: «Kásipkerler sheneýnikter tarapynan zańsyz qysym kórse, birden prokýratýra organdaryna júgingeni jón», dedi.

Memleket basshysynyń osy tapsyrmasyn basshylyqqa alǵan Qostanaı oblystyq kásipkerler palatasy janyndaǵy qoǵamdyq keńeste jýyrda bıznesin damy­tý maqsatynda jer telimin alý­dy mejelep qoıǵan, biraq bıý­rokratııalyq kedergilerdiń ke­sirinen oǵan jyldan astam ýaqyt qol jetkize almaı qajyǵan kásip­kerlerdiń shaǵymdary qaraldy. Ná­tı­jesinde, kásipkerler qu­qyn qorǵaý jáne sybaılas jem­qorlyqqa qarsy kúres jónindegi qoǵamdyq keńes jer aýksıonda­ryn ótkizýdi sozbaqqa salatyn she­neýnikterdi ákimshilik jaýap­kershilikke tartý týraly usynys ázirleý kerek degen qorytyndyǵa keldi. О́ıt­keni sońǵy jyldary bıznes­ke jerdi paıdalanýǵa berý máse­le­sinde Qostanaı qalalyq ákimdigi tarapynan zańǵa qaı­shy áreket­ter men áreketsizdikter jıi oryn ala bastaǵan. Tótesin aıtsaq, qos­tanaılyq kásipkerler úshin bos jatqan jerdi alý qııamet bolyp ketken. Kózdegen jerin alý úshin kásipkerler ákimdikke qaıta-qaıta aryz jazyp, odan esh nátıje shyǵara almaı álek. Jer kodeksi boıynsha jerdi kásipkerge bólip berýden bas tartqan soń, ákimdik jer telimin 90 kúnniń ishinde aýk­sıon arqyly saýdalaýy kerek eken. Biraq daýly jerlerge qa­tysty mundaı aýksıondar kóbine ótpeı qalady.

Ákimshilik kederginiń kesirinen kásipkerlerdiń bızneske beriletin jerge qol jetkize almaı júrgenin oblystyq kásipkerler palatasy dırektorynyń orynbasary Samat Sádýaqasov ta aıtty.

– Biz Qostanaı qalalyq prokýratýrasymen birlesip ákimdiktiń Jer kodeksi normalaryn saqtaý máselesin zerdelep shyqtyq. Má­se­len, Qostanaı qalasynyń ákim­di­gi 2021 jyldyń 31 mamyrynda jeke kásipker A.Tólendınge úsh jer telimin berýden bas tar­tý týraly qaýly shyǵarǵan. Muny­syn telimderdiń úsheýi de aýksıon arqyly beriletindigimen tú­sindirgen. Jer kodeksi bo­ıynsha aýksıon ótkizý merzimi 31 tamyz­da aıaqtaldy. Alaıda ákimdik kúni búginge deıin kásipkerge be­­rý­den bas tartqan jerlerdiń esh­qaı­sysyn saýdaǵa salǵan joq. Osyǵan uqsas zań buzý árekette­­ri taǵy eki kásipkerdiń shaǵymy bo­ıyn­sha anyqtalyp otyr, – dedi S.Sádýaqasov.

Al Basadato jaýapker­shi­li­gi shekteýli seriktestigi aýmaǵy 3 gek­tar bolatyn jer telimine bir jyl boıy qol jetkize almaı keledi. Seriktestik jer bólý týraly ótinishti byltyr bergen. Biraq ákimdik jer aýksıonyn ótkizemiz, soǵan qatysasyz degen ýáde berip, ýaqyt sozyp jibergen. Aýksıondy kúte-kúte sharshaǵan kásiporyn bas­shylary bıyl sáýirde ekinshi qaıtara ótinish beredi. Alaıda bul ótinish te qanaǵattandyrylmaı, kásipkerlerdiń taǵy taýlary sha­ǵyldy. Ákimdik bul joly kásip­oryn suraǵan jerde qurylys kóp júrip jatyr, ınjenerlik jeliler rettelmegen degen sebepti alǵa tartqan. Budan keıin seriktes­tik mamandandyrylǵan sotqa shaǵym beredi. Sot jerdi bermeý týraly qaýlyny zańsyz dep tanyp, ákimdikti ózderi jibergen olqylyqtyń ornyn toltyrýǵa min­dettep otyr.

Jer qatynastary salasyn­da mundaı máseleler jıi týyndap ­jatatynyn ákimdiktegilerdiń ózderi de jasyrmaıdy. Ká­sip­kerlerdi negizsiz áýre-sarsańǵa túsirip qoıǵan olqylyqtyń basty sebebi kóbine-kóp adam faktoryna, naqtyraq aıtqanda, ákimdiktegi maman tapshylyǵyna baılanysty kórinedi.

– Másele bylaı: aldymen Qostanaı qalasy ákiminiń aty­­na aýksıon ótkizý týraly óti­nish kelip túsedi. Oǵan jer qa­tynastary bólimi qol qoıa­dy. Ári qaraı ótinishti sáýlet bóli­mine kelisim berýge jiberemiz. Bıyl bizdiń bólimge 200-deı óti­nish kelip tústi. Onyń shamamen 150-deıine sáýlet bólimi kelisim bermedi. Keıbir ótinishter áli de qaralyp jatyr. Bul bólim kópten beri kadr tapshylyǵynan aqsap keledi, mamandar jetispeıdi, bıyl jyl bastalǵaly bólim bas­shysy bolmaı kelgen. О́ti­nishterdi qaraý ýaqytynyń sozylyp ketken sebebi – osy. Biraq jaýapkershilikti bizdiń moınymyzdan eshkim alyp tastaǵan joq, – degen jer qatynastary bó­­liminiń jańa basshysy Baqtııar Jumabekov aldaǵy ýaqytta óti­nishterdi qaraý merzimin barynsha qysqartýǵa ýáde etti.

О́tinishterdiń qaralý merzimin sozǵan sheneýnikter qazir ári ketse, tártiptik jazaǵa ǵana tartylady, al ótinish bergen kásipker úshin ár kún qymbat. Qoǵamdyq keńes osyny eskere otyryp, mundaı aýksıondardy zańda belgilengen merzim ishinde ótkizbegen memlekettik qyzmetshilerdi ákimshilik jazaǵa tartý týraly usynys ázirleý kerek degen uıǵarymǵa keldi. Bul usynys «Atameken» ulttyq ká­sip­kerler palatasynyń ortalyq ap­paratyna qaraýǵa jiberildi.

 

Qostanaı oblysy

 

Sońǵy jańalyqtar

Túrkistan oblysynda eki brakoner ustaldy

Aımaqtar • Búgin, 13:06

Efıopııada pilder qyrylyp jatyr

Álem • Búgin, 11:58

Qazaqstanda un óndirý kólemi tómendedi

Ekonomıka • Búgin, 11:45

Dastın Pore: Makgregor – ótken shaq

Jekpe-jek • Búgin, 11:40

Gazǵa aýysqan kólikter sany artty

Qazaqstan • Búgin, 10:50

Alvares aýyr salmaqta alypqa aınala ma?

Kásipqoı boks • Búgin, 10:35

Elimizde 62 myńnan astam bala vaksına aldy

Koronavırýs • Búgin, 10:00

Dollar qaıtadan qymbattaı bastady

Qarjy • Búgin, 09:55

Qazaqstanda karantındik sharalar kúsheıtiledi

Koronavırýs • Búgin, 09:40

Uqsas jańalyqtar