«Qaza bolǵandardyń týystary men jaqyndaryna taǵy da kóńil aıtamyn. Polısııa qyzmetkeri men sot oryndaýshysy qyzmettik mindetin oryndady jáne ókinishke qaraı olarǵa jasalǵan shabýylda qaza boldy. Adamdardy óltirgendi sebebi qandaı bolmasyn aqtaýǵa bolmaıdy. О́rkenıetti qoǵamda kez kelgen daý men problema tek quqyqtyq salada sheshilýi kerek. Sonymen qatar, bolǵan tragedııany egjeı-tegjeıli túsiný kerek, bul – tragedııa», dedi Toqaev Mańǵystaý oblysynyń áleýmettik-ekonomıkalyq damýy jónindegi keńeste.
Prezıdenttiń aıtýynsha, kredıt berýshiler men problemaly qaryz alýshylar arasyndaǵy qarym-qatynas salasy, ásirese turǵyn úı bóliginde óte sezimtal jáne zańdy jetildirýdi talap etedi.
«Bul bankterdiń kepildik saıasatyna, baǵalaý qyzmetin retteýge, jeke sot oryndaýshylarynyń jumysyna jáne basqa da aspektilerge qatysty. Osy máselelerde ashyq jáne birkelki sot praktıkasyn qamtamasyz etý asa mańyzdy.
Úkimet, Ulttyq bank pen qarjylyq retteý jónindegi agenttik, eger qajet bolsa, bir aı merzimde zańnamalyq jáne normatıvtik túzetýler toptamasyn ázirleýi kerek. Biraq meniń oıymsha, mundaı qajettilik bar. Alaıda mamandar bul máseleni taǵy da muqııat zerdeleýi tıis», dedi Qasym-Jomart Toqaev.
Ol Úkimet pen Almaty ákimdigine Almatydaǵy qaıǵyly jaǵdaıdan zardap shekkenniń bárine, birinshi kezekte balalarǵa qoldaý kórsetýdi tapsyrdy.
«Balalar qoǵamymyzdyń ádildigine degen senimmen ósýi mańyzdy. Túzetýler, eger olar daıyn bolsa, Úkimet, mamandar muqııat zerdelep, jurtshylyqpen kelisilip, kelesi jyldyń basynan bastap kúshine enýi kerek», dedi Toqaev.
