Foto: Yahya Nemah/ERA
Bloomberg agenttiginiń jazýynsha, taǵy birneshe myń ásker eki eldiń shekarasyna shyǵatyn joldy baqylaıdy jáne Idlıbte Sırııa kúshteri shabýyl jasaǵan jaǵdaıda, toıtarýy kerek.
Idlıb - Sırııadaǵy jalǵyz aımaq, onyń edáýir bóligi bandylardyń qolynda. 2017 jyly soltústik deeskalasııa aımaǵy quryldy. Onda Damask mańyndaǵy Shyǵys Gýta men eldiń ońtústiginde qarýyn tastaýdan bas tartqan ekstremıster kóshirildi. Túrik armııasynyń baqylaý beketteri provınsııa aýmaǵynda ornalasqan.
«Prezıdent Rejep Taıyp Erdoǵan úkimeti burynnan Reseı qoldaıtyn Sırııa kúshteriniń Idlıbke qarsy kóterilisshiler bekinisine enýi bosqyndardyń Túrkııa shekarasyna qaraı aǵylýyna ákeledi dep qorqady», dep jazady agenttik.
Reseı prezıdentiniń baspasóz hatshysy Dmıtrıı Peskovtyń aıtýynsha, Sırııadaǵy ahýal 29 qyrkúıekte ótetin Túrkııa men Reseı basshylarynyń kezdesýinde talqylanady. Kezdesý Reseıde ótedi dep josparlanǵan.
