Kompanııa qyzmetkerleriniń 90%-y vaksına saldyrdy

«ArselorMıttal Temirtaý» AQ bas dırektory Bıdjý Naır kásiporynnyń vaksınalaý kórsetkishi ArcelorMittal kompanııalar tobynyń eń joǵary kórsetkishterniń biri ekenin atap ótti. Kompanııa basshysy qyzmetkerilerine vaksına saldyrýǵa kelgende túsinistik tanytyp, jaýapkershilikpen qaraǵany úshin alǵysyn bildirdi.

– Vaksına alǵandardyń 90 paıyzy – 32 myńnan asa qyzmetkerimiz jáne merdiger uıymdardyń 4 myńnan asa jumyskeri. Biz úshin bul – úlken jeńis! – dedi ol.

«ArselorMıttal Temirtaý» AQ basshylarynyń bári ko­ro­­navırýs ınfeksııasyna qarsy ekpe aldy.

Bıdjý Naır Elbasy – Nursultan Nazarbaevtyń, Qazaq­stan Respýblıkasynyń Pre­zı­denti Qasym-Jomart Toqaev­tyń, sondaı-aq Premer-Mınıstr Asqar Mamın basqarǵan el Úkimetiniń egý naýqanyn uıym­das­tyrýdaǵy rólin erekshe atap ótti.

– Qazaqstan – vaksınalar qoljetimdi, sondaı-aq olardy tańdaý múmkindigi berilgen álemdegi azdaǵan elderdiń biri. Onyń ishinde otandyq vaksına da ázirlendi, – dedi ol.

Bıdjý Naır kompanııa qyz­metkerleriniń vaksına qa­byl­daýyn uıymdastyrýǵa bel­sen­di kómekteskeni úshin Qa­ra­ǵan­dy oblysynyń ákimi Jeńis Qasymbekke de alǵys aıtty. Egý pýnkt­teri kásiporyndar aýma­ǵyn­da ashylyp, medısına qyz­metkerleri barlyq qajetti jab­­dyqtarmen qamtamasyz etil­di.

Bıdjý Naır COVID-19-ǵa qarsy áli vaksına almaǵan adam­dardy jaqyn arada egilýge shaqyrdy. Ol vaksınalaý adam ómirin saqtaýdyń jalǵyz joly ekenin eske saldy.