Tabıǵatty qorǵaý zańnamasy salasyndaǵy quqyq buzýshylyqtar men qylmystardyń aldyn alý jáne jolyn kesý, onyń ishinde brakonerlik, tabıǵı resýrstardy zańsyz aýlaý jáne basqa da quqyq buzýshylyqtardy anyqtaý maqsatynda Otyrar aýdanynyń PB qyzmetkerleri turaqty túrde reıdtik jumystardy júrgizip turady. Osyndaı shara barysynda tártip saqshylary kúndizgi saǵat 10:15 shamasynda Otyrar aýdany Kóksaraı aýylyna qarasty qorǵalatyn aýmaqtan bir dana qaban janýaryn zańsyz atyp alǵan er azamatty anyqtady.
Atalǵan derek QK 337-baby, ıaǵnı (Zańsyz ańshylyq) qylmystyq quqyq buzýshylyǵy boıynsha tirkeldi. Kúdikti azamattan aıǵaqty zat retinde ańshy myltyǵy men qaban ushasy (eti) alyndy. Qazirgi tańda sotqa deıingi tergeý amaldary júrgizilýde.
О́z kezeginde Túrkistan oblysynyń polısııa qyzmetkerleri turǵyndarǵa Tabıǵatty qorǵaý zańnamasyn buzýǵa jol bermeýdi jáne tabıǵı resýrstardy zańsyz óndirý jaǵdaıynda ákimshilik jáne qylmystyq jaýapkershilikke tartý týraly eskertedi. Eger de, siz, osyndaı jaıttyń qurbany nemese kýási bolsańyz birden «102» nómirine habarlasyńyz.
