Kórme qonaqtarynyń nazaryna táýelsiz Qazaqstannyń qalyptasý tarıhy men elimizdegi qarqyndy saıası, ekonomıkalyq, áleýmettik jáne rýhanı ózgeristerdi, onyń halyqaralyq arenadaǵy jetistikterin ashyp kórsetetin fotosýretter men kitaptar, sondaı-aq ulttyq tarıhtyń kórnekti tulǵalarynyń portretteri usynyldy.
Kórmeni ashqan Qazaqstan elshisi Jalǵas Ádilbaev Qazaqstannyń Táýelsizdik jyldarynda qol jetkizgen jetistikterin, ekonomıkalyq progresti, qoǵamdyq damýdy, halyqaralyq qaýipsizdik arhıtektýrasyndaǵy belsendi rólin atap ótti. Dıplomat aýdıtorııaǵa elimizdiń turaqty damýy men azamattarymyzdyń ál-aýqatyn qamtamasyz etýge baǵyttalǵan qazirgi ýaqytta júrgizilip jatqan ekonomıkalyq jáne saıası reformalar týraly habardar etti.
Sondaı-aq, ol Prezıdent Qasym-Jomart Toqaevtyń «Halyq birligi jáne júıeli reformalar - el órkendeýiniń berik negizi» atty Qazaqstan halqyna Joldaýynyń negizgi erejeleri týraly qysqasha aıtyp berdi.
Kórmeniń ashylýynda sóz sóılegen Mońǵolııanyń Qazaqstandaǵy eks-elshisi Damdınjav Dashnıam Qazaqstan Táýelsizdiktiń 30 jyly ishinde myqty memleketti qalyptastyrý boıynsha irgeli jumys atqarǵanyn, ınfraqurylymdy jańǵyrtý jáne damytý boıynsha tabysty reformalar men keshendi sharalar júrgizgenin alǵa tartty.
Is-shara barysynda qonaqtar dombyra men Mońǵol halyq aspaptarynda oryndalǵan qazaqtyń ulttyq mýzykalyq shyǵarmalaryn tyńdady.
