«Samuryq-Qazyna» qorynyń 2021 jylynyń I jarty jyldyǵyndaǵy qarjylyq kórsetkishteri

6 aıdyń qorytyndysy boıynsha taza tabys 809 mlrd teńgeni qurady. Bul ótken jyldyń sáıkes merzimimen salystyrǵanda 3,5 esege artyq. Al jospar boıynsha taza tabys 217 mlrd teńge bolady dep boljanǵan. Bul týraly brıfıngte «Samuryq-Qazyna» qorynyń ekonomıka jáne qarjy jónindegi basqarýshy dırektory Názıra Nurbaeva málimdedi.

Kompanııalar tobynyń operasııa­lyq kirisi 2021 jyldyń qańtar-maýsym ara­ly­­ǵynda 817 mlrd teńgeni qurady. Bul josparly mejeden 456 mlrd teń­gege artyq.

Aldyn ala baǵalaý boıynsha 2021 jyl­dyń qorytyndysy boıynsha jıyn­tyq taza tabys 1,195 mlrd teńge bolady dep boljanýda. Iаǵnı pande­mııaǵa deıingi 2019 jyldyń kórset­kish­terine jýyq jáne 2020 jyldyń nátıjelerinen eki ese artyq.

Qarjylyq kórsetkishterdiń ońa­lýy­na munaı baǵasynyń ortasha esep­pen barreline 67 dollarǵa deıin ósýi, munaı óńdeý kóleminiń 13%-ǵa ulǵaıýy, elektr­qýatyn óndirý men tasymaldaý kóleminiń 22% jáne 20%-ǵa artýy, júk tasymalynyń 3% arta túsýi jáne kon­t­eınerlik tranzıttiń 32%-ǵa ulǵaıýy yq­palyn tıgizgen.

Bıyl jolaýshylar tasymalynda da kórsetkishterdiń jaqsaryp kele jatqany baıqalyp otyr. Temir jolmen jolaýshylar tasymaldaý 46% arta tústi. AirAstana men Qazaq Air 8 aıdyń qorytyndysy boıynsha byltyrǵy jyldyń sáıkes merzimimen salystyrǵanda 2 ese kóp jolaýshy tasymaldady.

«Jaqsaryp kele jatqan qarjylyq kórset­kishterdi jáne turaqty makro­eko­­nomıkalyq boljamdardy eskere otyryp, Qor shyǵyndardy oń­taı­lan­dyrý sharalaryn iske asyrý­dy jalǵastyrady. Jyldyń qory­tyn­dysy boıynsha jalpy jáne ákimshilik shy­ǵyndardan shamamen 10 mlrd teńge únemdeledi. Budan bólek, bıyl kompanııalar tobynda merzimi ótip ketken debıtorlyq qaryzdy 8,5 mlrd teńgege deıin qysqartý jónindegi jumys júr­gizildi», dedi Názıra Nurbaeva.

Birinshi jarty jyldyqtyń qo­ry­tyndysy boıynsha Qor tobyna kiretin kompanııalarda qarjylyq turaqtylyq boıynsha kórsetkishterdiń aıtarlyqtaı jaqsarýy baıqalyp otyr. Qaryz/EBITDA kórsetkishi 2020 jylmen salystyrǵanda toptyń EBITDA kórsetkishin 737 mlrd teńgege jaq­sarýy arqasynda 3,6-dan 2,8-ge deıin azaıdy. Bul kórsetkish 2,7-ge deıin qysqarady dep boljanyp otyr. Bul kompanııalar tobynyń qarjylyq turaqtylyǵyn aıǵaqtaıdy.

Qordyń jalpy qaryzy 2%-ǵa artty. Negizinen teńge baǵamynyń álsireýi jáne toptyń ınvestısııalyq jobalaryn iske asyrýǵa alynǵan nesıeler esebinen. Jalpy, qaryz portfeliniń tepe-teńdigi saqtalyp, Qor kór­set­kish­te­rine valıýta baǵamda­rynyń ózgerýi aıtarlyqtaı áserin tıgizgen joq.

Spıkerdiń aıtýynsha, kúrdeli eko­no­mıkalyq ahýalǵa qaramastan, Qor kompanııalary qarjylyq turaqty­lyq­ty nyǵaıtý sharalaryn toqtatqan emes. Bıyl «QazMunaıGaz» UK» AQ jáne «QazTransGaz» AQ eýroob­lıgasııa shyǵarý sharttaryn jaq­sar­týǵa qol jetkizdi. Kompanııalar toby qoldanystaǵy nesıelerdi qaıta qarjylandyrý jáne qaryz alý baǵasyn arzandatý sharalaryn jalǵastyratyn bolady.

Bıylǵy mańyzdy oqıǵa­la­r­dyń biri – «Samuryq-Qazy­na» qo­ry­­nyń uzaq merzimdi jáne qysqa mer­zimdi reıtıngterin halyq­aralyq Standard&Poors reıtıng agent­tigimen joǵarylatýy boldy. Shetel jáne ulttyq valıýtadaǵy mindet­te­me­ler boıynsha «VVV-» deńgeıine deıin joǵarylap, boljam – «turaqty» bolyp bel­gi­lendi.

«Búgin Moody’s reıtıng agenttigi Qordyń buqaraǵa arnalǵan reıtıngin jarııalaýy tıis. Elimizdiń egemen reıtıngisiniń ulǵaıýymen qatar Qor­dyń reı­tıngi de Vaa2 deńgeıine deıin kó­te­r­iledi, boljam – «turaqty» bo­la­dy dep kútilýde», dedi Názıra Nurbaeva.