О́z sózinde Qor basshysy «Samuryq-Qazyna» toby úshin Mańǵystaý óńiriniń orny erekshe ekenin atap kórsetti. Oblystaǵy 40 kásiporyn – Qordyń enshiles kompanııalary. Quıylǵan ınvestısııalardyń jalpy somasy 790 mlrd teńgeden asyp jyǵylady.
Qazirgi tańda Qor bul óńirde iri ınvestısııalyq jobalardy iske asyryp jatyr:
- Qarajanbas ken ornynda sýdy tushylaý qondyrǵysynyń qurylysy;
- Jańaózen qalasynda gaz óńdeý zaýytynyń qurylysy;
- Beıneý-Jańaózen gaz qubyryn kúrdeli jóndeýden ótkizý;
- Quryq portynda parom kesheniniń qurylysyn aıaqtaý.
2021-2024 jyldary Qor tobymen jalpy quny 674 mlrd teńgeden asatyn jańa ınvestısııalyq jobalar júzege asyrylmaq.
Qor bul óńirde qaıyrymdylyq sharalaryn jıi ótkizedi. Sońǵy jyldary densaýlyq saqtaý, bilim berý jáne sportty damytý salalarynda jalpy quny
1 mıllıard teńgeden asatyn 16 joba iske qosyldy. Bıyl Jańaózen qalasynda 10 mlrd teńgege baǵalanatyn zamanaýı medısına ortalyǵynyń qurylysy aıaqtalady.
Buǵan qosa sporttyq jáne balalar oıyn alańdary ashyldy. Mektep avtobýstary men jedel járdem kólikteri satyp alyndy. Munaı-gaz salasynyń ardagerlerine de únemi kómek kórsetiledi. Jyl sońyna deıin Jańaózen qalasynda sport kesheni jabdyqtalyp, Aqtaý qalasynda ońaltý ortalyǵy esigin aıqara ashady.
Áleýmettik turaqtylyq máselelerine de erekshe kóńil bólinýde.
«QazMunaıGaz» kompanııasy jáne vedomstvoaralyq komıssııamen eńbek daýlaryn sheshý jolynda belsendi jumys atqarylyp keledi:
- Qor janynan áleýmettik turaqtylyqtyń jedel shtaby quryldy;
- Merdiger kompanııalarmen kelissózder júrgizildi;
- Qyzmet kórsetý qunyn eńbekaqyny tómendetý esebinen azaıtýǵa jol bermeıtin tıimdi birlesken mehanızmder ázirlendi;
- Qordyń satyp alýlar júıesine ózgerister engizildi.
