Mádenıet jáne sport mınıstrligi Nur Otan partııasynyń saılaýaldy baǵdarlamasyn oryndaý jónindegi Jol kartasyn iske asyrý maqsatynda «Kınematografııa týraly» zańǵa ózgerister engizýdi josparlap otyr. Zań jobasyna túzetýler mindetti dýblıaj nemese fılmniń qazaq tilindegi túpnusqasyn talap etýge baǵyttalǵan. Sondaı-aq sózderdiń orfografııalyq normalary men tártibiniń saqtalýyn, olardyń durys qurastyrylýy men aıtylýyn qamtamasyz etý úshin tıisti normalar qabyldandy.
Qazirgi ýaqytta múddeli organdar, qoǵamdyq uıymdar ókilderinen jáne kınematografııa qaıratkerlerinen jasaqtalǵan jumys toby quryldy. Jumys toby 10-nan astam otyrys ótkizdi. Onda kınokomıssııalardy qurý tetigi, fılmderdi qazaq tiline dýblıajdaý bóligindegi ózekti máseleler talqylandy. Al oryndalýy aldaǵy ýaqytta da jobalyq keńse arqyly qadaǵalanbaq.
Aıta keteıik, búgingi tańda qazaq tilindegi 35-ten asa fılm prokatqa shyǵyp, demeýshiler 1,4 mıllıard teńge bóldi. Zań jobasy Úkimet otyrysynda qazan aıynda qaralmaq. Al jeltoqsanda Parlament Májilisiniń qaraýyna jiberiledi. Jol kartasyna sáıkes 2022 jyly zańdy qabyldaý josparlanyp otyr.
