«Bizdiń elderimiz arasynda tikeleı reısterdiń ashylýy da bıznes pen ózara qarym-qatynasty nyǵaıtýǵa eleýli úles qosady. Qazaqstandyq SCAT áýe jelisi bıylǵy qazan aıynda Almaty-Djıdda baǵytyndaǵy tikeleı reısterdi qaıta bastaıdy.
Sondaı-aq jaqynda Saýd Arabııasynyń azamattary úshin vızasyz rejımdi qaıta qosýdy josparlap otyrmyz, bul Saýd Arabııasy azamattaryna Qazaqstanǵa erkin kelýine múmkindik beredi», dedi Baqyt Sultanov elordada Qazaqstan men Saýd Arabııasynyń birlesken ınvestısııalyq bıznes forýmynda.
Aıta keteıik, Qazaqstan-Saýd Arabııasy saýda-ekonomıkalyq, ǵylymı-tehnıkalyq jáne mádenı yntymaqtastyq jónindegi Úkimetaralyq komıssııasynyń 5-shi otyrysyna qatysý úshin elordaǵa ınvestısııalar mınıstri Halıd A. ál-Falıh bastaǵan Saýd Arabııasy Koroldiginiń delegasııasy keldi. Delegasııa quramynda Saýd Arabııasy Kolroldiginiń memlekettik organdarynyń 50-den astam ókili jáne munaı-hımııa (SABIC, Alkhorayef Group, Aramco), energetıka (ACWA Power, Aljomaih Energy and Water Company, Desert Technologies), aqparattyq tehnologııalar (ELM, National Technology Group), agroónerkásiptik keshen (SALIC, Al Rajhi International for Investment Co, Hdeim Dates, Faidh International Food Company), densaýlyq saqtaý (Dr. Sulaiman Al-Habib Medical Group), farmasevtıka (Jamjoom Pharma), logıstıka (Zajil), týrızm (Seera), jeńil ónerkásip (Ajlan & Bros Group), saýda (Saudi Industrial Export) jáne basqa salalardaǵy iri kompanııalardyń basshylary bar.
