SQO veterınarııa basqarmasynyń málimetinshe, 21-26 qyrkúıek aralyǵynda M.Jumabaev aýdany Lebıaje eldi mekeninde 1003 úı qusy qyryldy. Bul - jeti úıdiń qusy. Negizinen 2-3 aılyq qus - sonyń ishinde 130 taýyq, 291 qaz, 582 úırek ólgen. Mamandar qustardyń óleksesin jınap, órtedi.
«Veterınarlyq qyzmet epızootııalyq zertteý júrgizildi. О́lgen qustardan materıal alynyp, zerthanaǵa jiberildi. 24 qyrkúıek kúni onyń qorytyndysy kelip, qus tumaýy ekeni rastaldy. Úı qustaryna qaýipti aýrý jabaıy qustardan juǵýy múmkin. О́ıtkeni eldi mekende sý qoımasy bar, onda aqqýlar, jabaıy úırekter men basqa da qustar mekendeıdi», deıdi SQO veterınarııa basqarmasy bóliminiń basshysy Qaıyrly Qazanov.
Osyǵan baılanysty M.Jumabaev aýdany Lebıaje aýyly karantınge búginnen bastap jabyldy.
