Oblystyq densaýlyq saqtaý basqarmasynyń baspasóz qyzmeti taratqan aqparatqa súıensek, ınfeksııalyq stasıonarlarda 327 naýqas oqshaýlanǵan.
«О́ńirde qaýipti vırýs juqtyrýshylardyń azaıýyna baılanysty ınfeksııalyq stasıonarlarda 2 352 tósek-oryn bar. Qazir mundaǵy júkteme 13,9%-dy quraıdy. Stasıonarlardaǵy 90 oryndyq jansaqtaý bóliminde jaǵdaıy nasharlaǵan 27 naýqas emdelip jatyr. Onyń ishinde hal-ahýaly óte aýyr 4 pasıent ókpeni jasandy jeldetý apparatyna qosylǵan. Bul bólimdegi júkteme – 30 paıyz», dep málim etti basqarmanyń baspasóz qyzmetinen.
