Bul týraly Memleket basshysy óziniń Twitter-degi paraqshasynda jazdy.
«Fýtzaldan Qazaqstan ulttyq quramasy alǵash ret álem chempıonatynyń jartylaı fınalyna shyǵyp, keremet sensasııa jasady. Qutty bolsyn! Aldaǵy oıyndaryna da sáttilik tileımin!», delingen onda.
Aıta keteıik, fýtzaldan álem chempıonatynyń shırek fınalynda Qazaqstan quramasy ırandyq fýtzalshylarmen kezdesip, 3:2 esebimen jeńiske jetken bolatyn. Qazaqstan quramasy budan buryn álem chempıonatynyń fınaldyq satysynda eki márte baq synaǵan edi. 2000 jyly birinshi kezeńnen asa almasa, 2016 jyly 1/8 fınalǵa deıin jetti.
Álem chempıonatynyń fınaly 3 qazanǵa belgilengen.
