Komıssııa tarapynan epızootııalyq jaǵdaı zerdelenip, sý aıdynyna monıtorıng júrgizildi, aýrýdy joıý aýqymy anyqtalyp, halyq arasynda túsindirý jumystary júrgizildi.
Infeksııa oshaǵyn der kezinde, jedel oqshaýlaý jáne joıý úshin eldi mekenniń perımetri boıynsha jerlerdi jyrtý jumystary júrgizildi, kiretin jáne shyǵatyn avtokólikterdi dezınfeksııalaý úshin dezbarer ornatyldy.
«Epızootııalyq tizbekti úzý maqsatynda oshaqtaǵy qustardyń barlyǵyn joıý týraly sheshim qabyldandy. Alynǵan jáne joıylǵan qustyń ıelerine ótemaqy tolyq kólemde tólenedi. Reseımen shekaralas aýmaqtarda janýarlardy vaksınasııalaý úshin joǵary patogendi qus tumaýyna qarsy 112,2 myń doza otandyq preparattar bólinedi», delingen aqparatta.
Epızootııalyq jaǵdaı turaqty baqylaýda, ınfeksııanyń oblystyń basqa eldi mekenderine taralýyna jol bermeý maqsatynda vaksınasııa júrgizý jáne tiri qus pen qus sharýashylyǵy ónimderiniń qozǵalysyna baqylaý ornatý sharalary qabyldanýda.
