«Kórsetilgen qaýlyǵa 1-qosymshamen bekitilgen Sportshylar men jattyqtyrýshylarǵa ómir boıy aı saıynǵy materıaldyq qamsyzdandyrýdy tóleý mólsheriniń 1-tarmaǵy mynadaı redaksııada jazylsyn:
Sportshylar men jattyqtyrýshylarǵa ómir boıy aı saıynǵy materıaldyq qamsyzdandyrý (budan ári – materıaldyq qamsyzdandyrý) mynadaı mólsherde (budan ári – mólsher) tólenedi:
Olımpıada, Paralımpıada jáne Sýrdlımpıada oıyndarynyń chempıondary men júldegerleri jáne (nemese) sporttyń olımpıadalyq túrleri boıynsha álem chempıondary ataqtaryn jeńip alǵan sportshylarǵa – 100 aılyq eseptik kórsetkish;
Olımpıada, Paralımpıada jáne Sýrdlımpıada oıyndarynyń chempıondary jáne júldegerleri, jáne (nemese) sporttyń olımpıadalyq túrleri boıynsha álem chempıondary ataqtaryn jeńip alǵan sportshylardy daıyndaǵan jattyqtyrýshylarǵa – 100 aılyq eseptik kórsetkish» (Bul 2021 jyly 291 700 teńgeni quraıdy).
Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi», dep jazylǵan jobada.
Qazirgi ýaqytta sportshylar men jattyqtyrýshylarǵa aı saıynǵy materıaldyq qoldaý úshin beriletin tólemder 101 898 myń teńgeni quraıdy.
Joba negizdemesinde «Joǵary sporttyq nátıjege jetý úshin álemdik tájirıbeni eskere otyryp, sportshy, jattyqtyrýshy mártebesin kóterip, materıaldyq qoldaý kórsetý qajet. Mysaly, Reseıde sportshylar men jattyqtyrýshylarǵa áleýmettik qoldaý aıyna 60 000 rýbl mólsherinde belgilengen, bul shamamen 352 000 teńge», dep jazylǵan.
Joba 14 qazanǵa deıin kópshilik talqylaýyna ashyq.
