Nur Otan partııasynyń «О́zgeris joly: árkimge laıyqty ómir!» saılaýaldy baǵdarlamasy aıasynda bıyl bizdiń mınıstrlik aǵa býyn azamattardyń jaǵdaıyn jaqsartý baǵyttalǵan 2025 jylǵa deıingi «Belsendi uzaq ómir súrý» atty is-sharalar josparyn bekitti.
Eńbek jáne halyqty áleýmettik qorǵaý mınıstrligi taratqan habarlamada atalǵan jospar egde jastaǵy adamdardyń qoǵam ómirine belsene aralasýyna múmkindik beretini jazylǵan.
Sonymen qatar jospar qart jandardy sapaly memlekettiń qoldaýmen qamtýǵa kepildik beredi. Jospar vedomstvoǵa baǵynysty jobalyq ofıs arqyly júzege asyrylady.
«Josparǵa sáıkes elimizdiń barlyq óńirlerinde belsendi uzaq ómir súrý ortalyqtaryn ashý kózdelgen. Ortalyqtardyń qyzmeti egde jastaǵy belsendi azamattardyń sanyn kóbeıtýge, olardyń ómir súrý sapasyn, ál-aýqatyn, densaýlyǵyn jáne psıhoemosıonaldyq jaǵdaıyn jaqsartýǵa múmkindik beredi. Qazirgi ýaqytta atalǵan ortalyq elimizdiń 10 óńirinde ashyldy. Atap aıtqanda, Nur-Sultan, Almaty jáne Shymkent qalalarynda bar. Odan bólek, Aqmola, Jambyl, Qaraǵandy, Qostanaı, Aqtóbe, SQO jáne Túrkistan oblysynda ortalyqtar jumys istep tur», dedi QR Eńbek jáne halyqty áleýmettik qorǵaý mınıstrligi Áleýmettik kómek saıasatyn damytý departamentiniń dırektory Asqar Nııazov.
