Qazaqstan • 01 Qazan, 2021

Qazaq radıosynyń 100 jyldyǵyna oraı poshta markalary shyǵaryldy

117 ret kórsetildi

«Qazposhta» AQ Qazaq radıosynyń 100 jyldyq mereıtoıy men L. N. Gýmılev atyndaǵy Eýrazııa ýnıversıtetiniń 25 jyldyǵyna oraı poshta markalaryn shyǵardy, dep habarlaıdy Egemen.kz.

Merekelik poshta markasy Qazaqstan aýmaǵynda 2021 jyldyń 7 qazanynda aınalymǵa engiziledi.

«Estelik jáne mereıtoı kúnderi» serııasyndaǵy poshta markasynyń taralymy 2 mln dana, kólemi 26 h 18 mm. Markanyń nomınaly - 100 teńge.

Sonymen birge Qazposhta L. N.Gýmılev atyndaǵy Eýrazııa ulttyq ýnıversıtetiniń 25 jyldyǵyna arnalǵan poshta markasyn shyǵardy. «Estelik jáne mereıtoı kúnderi» serııasyndaǵy poshta markasynyń tırajy 1 mln dana. Onyń nomınaly 300 teńge. Kólemi 26 h 18 mm, lıterasy «V». Dızaıner Ińkárim-aı Ońǵarbaı.

Bıyl Ulttyq poshta operatory «Faýna» men «Estelik jáne mereıtoı kúnderi» serııasy boıynsha ártúrli taqyrypta 13 mln dana standartty poshta markasyn shyǵarady.

Jalpy Qazaqstanda 1200-den astam poshta markasy aınalymǵa engizilgen. Olardyń taqyryptary san túrli. Tabıǵat, tarıh, mádenıet, sport, ǵarysh, memleketimizdiń áleýmettik jáne saıası ómiri baǵytynda poshta markalary bar. Bıyl elimizdiń markalar toptamasy XI ulttyq «Belfıla – 2021» fılatelııa kórmesinde «Qazaqstan Respýblıkasynyń poshta markasy» estelik altyn medalimen marapattaldy. Bul shara XXX halyqaralyq «Vıtebsktegi Slavıan bazary» óner festıvali aıasynda uıymdastyryldy.

Sońǵy jańalyqtar

Suıytylǵan gaz baǵasy óspeıdi

Qoǵam • 01 Shilde, 2022

Uqsas jańalyqtar