Jastarǵa – jańa turǵyn úı baǵdarlamasy

Bank qurylǵaly beri biraz baǵdarlama iske asyryldy. Talaı ret úıli bolsam dep armandaǵandardyń qonys toıy­na ortaq boldyq, qýanyshtaryna qo­syl­­dyq. Biraq armandaý jetkiliksiz. Jeke sha­ńyraqqa ıe bolýdyń joldaryn, shart­taryn qarastyryp, banktiń baǵ­dar­lamalarynan habardar bolyp otyr­ǵan da jón.

Degenmen, osy arada aıta ketý kerek, jınaǵan qory, artyq aqshasy joq jas­tar bank arqyly úıli bolýǵa táýekel ete bermeıdi, ıakı tıimdi joldarynan beıhabar. Máselen, Nur-Sultan qalasynyń ákimdigi Otbasy bankimen birge elor­da­lyq jastarǵa tıimdi sharttarmen tur­ǵyn úı satyp alýǵa kómektesetindigi týra­ly baıandamas buryn, «Almaty jas­tary» baǵ­darlamasy arqyly baspanaly bol­ǵan áriptesimiz Araılymnyń naq­ty my­salyn aıta ketýge bolady. Atal­ǵan baǵ­darlama arqyly bir armany oryn­dal­ǵan Araılymdy qonys toıymen qut­tyqtaı otyryp, qýanyshty oqıǵanyń jaı-japsaryn suraǵan edik.

– Qazirgi tańda «31 arnanyń» digital prodıýserimin. Bıyl memleket usynǵan «Almaty jastary» baǵdarlamasy ar­qy­ly 26 jasymda baspanaly bolyp otyrmyn. Ata-anam men týǵan-týystarymnyń qýanyshyn sózben aıtyp jetkizý múmkin emes. Áke-sheshelerimiz Almatydan bas­pana alý úshin kezinde qanshama jyldar boıy toqtaýsyz eńbek etken edi. Al bul baǵdarlama – qazirgi jastar úshin memleket usynǵan úlken demeý! Alǵashqy jarnany jyldar boıy jınamaı-aq, baspanaly bolýǵa taptyrmas múmkindik. Qazirgi tańda kóp jastar baspanaly bolý maqsatynda shetelge qara ju­mys­qa ketetini bárimizge málim. Osynyń sal­darynan qanshama qazaq jastary elge qaıtpady. «Almaty jastary» baǵ­dar­lamasy arqyly kóptegen jas otandastarymyz óz elimizde eńbek etip, úıli bolyp jatyr. Onyń biri – men. О́z úıimniń bolǵany maǵan úlken qulshynys berdi. Memlekettiń jastarǵa osyndaı múmkindik bergenin eskere otyra, elimizge adal qyzmet etýge talpynamyn, – deıdi Araılym Qapasbek.

Dál osy «Almaty jastary» baǵ­dar­la­masynyń Elorda zhastary degen balamaly túri Nur-Sultan qalasynda da ashylady. Jastarǵa arnalǵan turǵyn úı baǵdarlamasy – elorda ákimdigi men Otbasy bankiniń («Báıterek» holdınginiń enshiles uıymy) birlesken jobasy. Joba jas muǵalimderge, dárigerlerge, jýrnalısterge, mádenıet salasynyń qyzmetkerlerine, sportshylarǵa, áleý­met­tik jáne kommýnaldyq qyzmet qyz­met­kerlerine, jetim balalarǵa jeke tur­ǵyn úı satyp alýǵa jeńildikpen nesıe alýǵa múmkindik beredi. Eń bastysy, Elorda zhastary baǵdarlamasy boıynsha qaryz alýshylardyń jasy 35-ten aspaýy tıis.

Endigi jerde osynaý bastama alǵa jyljyp, jýyrda Nur-Sultan qala­sy­nyń ákimi Altaı Kólginov pen Otbasy bank basqarma tóraıymy Lázzat Ibra­gı­mova yntymaqtastyq týraly tıis­ti me­morandýmǵa qol qoıdy.

– Elorda zhastary – tabysy joǵary emes jastarǵa turǵyn úı máselesin sheshýge arnalǵan. Biz olardyń Otbasy bankiniń esepshottarynda qulshynyspen aqsha jınap jatqandaryn jáne de páter alýǵa daıyn ekenin bilemiz, biraq olardyń qarajaty men múmkindikteri jetkiliksiz. Al jańa turǵyn úı baǵdarlamasy iske qosylsa, olar bıyl jappaı qonys to­­­ıyn toılaýǵa múmkindik alady. Onyń dáleli retinde Almaty qalasyn keltirýge bolady. Atalǵan qalada osyǵan uqsas baǵ­darlama úlken suranysqa ıe. Onyń kómegimen qazirdiń ózinde turǵyn úı máselesin 2 myń almatylyq sheshti, – dep túsindirdi «Otbasy bank» AQ basqarma tóraıymy Lázzat Ibragımova.

Elorda zhastary turǵyn úı baǵdar­lamasy boıynsha qaryz alýshylardy nesıelendirýdiń alǵashqy transhy –
1 mlrd teńgege teń. Onyń 500 mıllıony Nur-Sultan máslıhatynyń sheshimimen, taǵy 500 mıllıony Otbasy bankiniń jeke qarajaty esebinen bólingen. Bul qarajat baǵdarlamanyń 100 qatysýshysyna nesıe berýge kómektesedi.

Áleýetti qaryz alýshylardyń tizimin jergilikti atqarýshy bılik qa­lyp­tas­ty­ra­dy. Baǵdarlamaǵa qatysý úshin qatysu.zhilfond.kz saıtynda jaqyn arada ótinish berýge bolady. Avtorızasııadan ótý úshin elektrondy sıfrly qoltańba qajet, ony onlaın rejiminde nemese jaqyn ornalasqan halyqqa qyzmet kórsetý orta­ly­ǵynda alýǵa bolady.

О́tinimderdi qabyldaý merzimi aıaq­tal­ǵan soń qatysýshylardy irikteý bastalady. Úmitkerler pýly baldyq júıe bo­ıynsha qalyptasady. Ol eńbek ótilin jáne ótinish berýshiniń (erli-zaıyptylardyń bireýiniń nemese olardyń balalarynyń) 1, 2, 3 múgedektik tobyna jatatyn-jatpaıtynyn eskeredi.

Pýl qurylǵannan keıin onyń qaty­sý­shylary Otbasy bankinen nesıe alýǵa joldama alady. Bank baǵ­dar­la­ma qatysýshysynyń tólem qabi­let­­tiligin tekserip, jyldyq 5 paıyzben je­ńildetilgen nesıe beredi. Alǵash­qy jarna – 10%. Elordalyq jas tur­ǵyn­dar­ǵa beriletin nesıeniń eń joǵary somasy – 13 mln teńge, alaıda ótinish berýshi óz qarajaty esebinen aıyrmasyn tóleýge daıyn bolsa, úıdiń baǵasyna shekteý qoıylmaıdy. Merzimi – 25 jylǵa deıin. Onyń kómegimen alǵashqy nemese qaıtalama naryqtan, sondaı-aq «Qazaqstan turǵyn úı kompanııasy» AQ-tyń kepildemesimen úlestik qatysý shartymen salynyp jatqan turǵyn úıge qol jetkizýge bolady.

Sonymen Elorda zhastary qaty­sý­shylaryna qoıylatyn talaptar tómen­de­gideı:

О́tinish bergen ýaqytta qatysýshynyń jasy 35-ten (qosa alǵanda) aspaýǵa tıis.

Qatysýshynyń jáne onymen birge turatyn otbasy músheleriniń sońǵy 1 jyl ishinde Nur-Sultan qalasynda úzdiksiz turaqty tirkeýi bolýy qajet;      Qatysýshynyń Otbasy bankinde satyp alatyn baspana qunynyń 10% mólsherindegi alǵashqy jarnasy bar depozıti bolýǵa tıis (salymnyń bar ekendigi týraly anyqtama nemese shot boıynsha úzindi kóshirme).

Sońǵy 5 jyl ishinde baǵdarlamaǵa qatysýshy men onyń otbasy músheleriniń QR aýmaǵynda satyp alý quqyǵymen jaldamaly turǵyn úıi nemese menshik quqyǵynda turǵyn úıi bolmaýy qajet.

Qatysýshynyń ótinish bergen kezde keminde sońǵy bir jyl ishinde Nur-Sultan qalasynda tańdalǵan salasyn­da resmı jumys tájirıbesi bolýǵa tıis. Ol zeınetaqy shotynyń úzindi kóshir­me­si­men rastalady.

Otbasynyń 1 múshesine shaqqandaǵy sońǵy 6 aıdaǵy tabys 3,9 eń tómengi kúnkóris deńgeıinen nemese 133 778 teń­ge­den aspaýǵa tıis (zeınetaqy jarnalary, jeke tabys salyǵy jáne basqa da mindetti jarnalardy qospaǵanda).

Baǵdarlamaǵa erli-zaıyptylardyń bireýi ǵana qatysa alady.

Esepteýge ońaı bolý úshin, bylaı da túsindire ketýge bolady. Eger nesıege 13 mln teńge (eń joǵary soma) turatyn úı nemese páter alatyn bolsańyz, Bank talaptaryna sáıkes, eki adamnyń aılyq tabysy 210 myń teńgeden kem bolmaýǵa tıis. Nesıe sharttaryna sáıkes, alǵashqy 8 jylda 101 000 tólep otyrý kerek bolsa, turǵyn úı qurylys jınaqtaý júıe­­siniń ıkemdi artyqshylyqtarynyń arqa­syn­da, nesıe mólsherlemesi 5 paıyzdan 3,7 paıyzǵa deıin tómendep, keıingi jyldardaǵy tólem eki esege, ıaǵnı 52 720 teńgege azaıady.

Reti kelip turǵanda, Otbasy bank paıda bolǵaly beri Nur-Sultan qalasynda jasy 18-35 aralyǵyndaǵy salymshylar sany – 112 433, adam basyna shaqqanda jı­naq­talǵan soma – 771 779 teńge bol­ǵa­nyn aıta ketýge bolady. 2016 jyldan beri elordada 18-35 jastaǵy salymshylar sany – 20 637 adamǵa jetti.