Kórsetilgen qaýlyda «Qurmetti metrolog», «Qurmetti standarttaýshy» syndy eki tósbelgi engizý kózdelgen:
«Qurmetti metrolog» tósbelgisimen ólshem birligin qamtamasyz etý salasynda 10 jyldan kem emes jumys ótili bar mamandar, sondaı-aq ólshem birligin qamtamasyz etýdiń memlekettik júıesin damytýǵa eleýli úles qosqan ózge de adamdar zańnamalyq jáne normatıvtik negizderdi ázirlegeni, kóp jyldyq jáne jemisti jumysy, oqý prosesinde qazirgi zamanǵy pedagogıkalyq jáne praktıkalyq jetistikterdi tıimdi paıdalanǵany, kadrlardyń biliktiligin arttyrý júıesin uıymdastyrýdy edáýir jaqsartqany, metrologııa salasynda laıyqty bedelge qol jetkizgeni úshin nagradtalady»;
«Qurmetti standarttaýshy» tósbelgisimen standarttaý salasynda 10 jyldan kem emes jumys ótili bolǵan kezde joǵary kásibı qyzmetkerler, sondaı-aq ulttyq standarttaý júıesin damytýǵa derbes zor úles qosqan ózge de adamdar tehnıkalyq retteý salasyndaǵy zańnamalyq jáne normatıvtik negizderdi ázirlegeni, kóp jyldyq jáne jemisti jumysy, kásibı qyzmette joǵary kórsetkishterge qol jetkizgeni, erekshe sińirgen eńbegi jáne jumystaǵy basqa da jetistikteri úshin marapattalady», dep jazylǵan jobada.
Qaýly 18 qazanǵa deıin kópshilik talqylaýyna ashyq.
