08 Aqpan, 2014

Syrtqy naryq – basty yqpaldastyq

157 ret kórsetildi
x_8787ed6aPetropavl qurylys materıaldary zaýyty 2007 jyldan beri reseılik kásiporyndarmen tyǵyz ekonomıkalyq qarym-qatynasta jumys istep keledi. Soǵan oraı sheteldik áriptesterimiz tarapynan qurylys ındýstrııasynyń naryq talaptaryna jaýap bere­tin qurylys ónimderi men buıym­daryna degen suranystyń óskeni baıqalady. Jańa tehnologııalardy engizý, qurylys materıaldary­nyń tıimdi jáne ekologııalyq taza zamanaýı úlgilerin shyǵarý eki jaqqa da óte tıimdi ekeni baıqalyp, birikken kásiporyn qurý yntymaǵyna jáne ıntegrasııalyq úderisterdiń damýyna keń jol ashyldy. Qurylys materıaldary na­ry­ǵyndaǵy suranysty saralaı otyryp, zaýyt sý qysymyna shydamdy polıetılen qubyrlaryn, «Monterreı» jáne «Kaskad» metall jabyndylaryn, profılen tósendilerin, sendvıch-panelderin de shyǵara bastady. Tapsyrys berýshi tarap polıetılen qubyrlaryn kóptegen sebepter boıynsha tańdaıdy. Solardyń ishinde bastysy – olardyń uzaq merzimde paıdalanylýy, sýyq sýmen qamtamasyz etý júıesindegi kepildi qyzmet merziminiń 50 jyldan kem emestigi. Polıetılennen jasalǵan qubyr túrli kólemdegi qosyndylar túrinde aýyz sýǵa qosylatyn hlorǵa jáne qysh­qyl­darǵa tózimdi. О́tkizý qabi­let­tiligi paıdalanylǵan kezde qubyr boıynsha sý aıdaýǵa ketetin qýat shyǵyndaryn 5-8 paıyzǵa tómendetýge múmkindik beredi. Metall jabyndylarynyń basty artyqshylyǵy retinde olardyń dástúrli ósimderdiń barlyq artyqshylyǵyna ıe bola otyryp, anaǵurlym sándi kórinetinin, al jınaýynyń óte qa­ra­paıym­dylyǵyn, metall jabyndylar quryl­ǵy­la­rynyń jeńildigin, paıda­la­nýǵa qolaılylyǵy men qara­pa­ıymdylyǵyn shekaralyq aımaqtarda ornalasqan Túmen, Omby, Qorǵan oblystarynyń kásipkerleri joǵary baǵalap otyr. Shynynda da, profılen tósendi – ámbebap materıal, ol beldik qurylǵylardyń ústin jabý úshin qalaı qoldanylsa, turǵyn úıler, óndiristik jáne turmystyq ǵımarattar qurylystary kezinde qabyrǵalar men tóbelerdi jabýǵa da ábden yńǵaıly. Sendvıch-panelder turǵyn úılerdegi sııaqty, ónerkásiptik qurylysta da úlken suranysqa ıe. Onyń tep-tegis beti qosymsha óńdeýdi talap etpeıdi, sendvıch-panelderdiń ylǵal tartqyshtyǵy tómen jáne jaqsy jylý saqtaǵysh qasıeti bar. Sondyqtan ol, tipti, qıyr soltústik óńirlerde qurylys júrgizýge múmkindik beredi. Birden boıalyp shyǵarylatyndyqtan, ǵımarattyń árlep-syrlaý jumys­tarynyń quny da birshama tómen. Tórt jyldan beri qurylymdyq jylý saqtaǵysh panelder óndi­risin serııalap shyǵarýdy uıym­dastyryp kelemiz. Bul táji­rı­bemizge de alys-jaqyn shetel­derdegi áriptesterimiz erekshe qyzyǵýshylyq tanytty. Sirá, turǵyn úıler jáne je­ńil kom­­mersııalyq ǵımarat­tar qabyr­ǵalarynyń tez turǵy­zy­latyny, maıysqysh beriktik shegi kórsetkishteri boıynsha qu­­ry­lymdyq tutastyǵynyń qurylystyq aǵashtan salynǵan standartty úıden anaǵurlym asyp túsetin artyqshylyqtary nazarlaryn aýdarsa kerek. 2010 jyldan beri jeti joba paıdalanýǵa berilip, jerasty jáne jerústi bolat, polıetılen qubyrlar tartý tehnologııalary jetile tústi. IMG_9708Búginde kásiporynda ár­túr­li qu­rylys materıaldaryn shyǵa­ratyn on segiz tehno­­lo­­gııalyq jeli ornatylyp, sapa menedjmenti júıesi boıynsha jumys isteıdi. Munyń ózi kottedjdik qurylystar, jyldam turǵyzylatyn ǵımarattar jáne arnaıy ǵımarattar úshin qurylys materıaldaryna qoıylatyn erekshe talaptardy saqtaýǵa kómek­tesedi. Shyǵarylatyn ónim­derge tutynýshylardyń joǵary qyzy­ǵýshylyǵy men suranysyna ártúrli baıqaýlarda jeńip alǵan sertıfıkattar, dıplomdar, alǵys hattar aıǵaq bola alady. Olardyń ishinde «Altyn ıagýar» halyqara­lyq syılyǵyna ıe bolǵanymyz­dy aıtsaq ta jetkilikti. Jetekshi ónerkásipshilerden, bıznesmenderden, bıýdjet qyzmetkerlerinen, jýrnalısterden quralǵan isker toptar assambleıasy zaýyttyń sharýashylyq-aýyz sýymen qamtamasyz etetin qysymǵa shydamdy polıetılen qubyrlaryna «Joǵary synamaq» sapa belgisin berdi. Sapany arttyrý jáne ónim túrlerin kóbeıtý – Elbasymyzdyń bıylǵy Joldaýynda qoıylǵan basty talaptardyń biri. Eńbek­kerlerimiz trenıngter men semı­nar­larǵa júıeli qatysady. Olar­dyń tájirıbelerin jetil­dirý, biliktiligin arttyrý udaıy nazarymyzda. Sheteldik árip­­tes­terimizden de úırenerimiz kóp. Elimizde qurylys ındýstrııasy órkendep, qanat jaıyp keledi. Biz ónimderimizdi ishki naryqpen shektelmeı, osy zamanǵy básekege yńǵaılana otyryp alys-jaqyn shetelderge jóneltýdi maqsat etip otyrmyz. Bul oraıda, reseılikter negizgi tutynýshylar bolyp tabylady. Búginde syrtqy naryqqa baǵdarlanǵan ártúrli markaly po­lıetılen qubyrlary Reseı Fe­derasııasynyń Qorǵan, Omby jáne Novosibir oblystaryna jó­neltilýde. Aleksandr KONDRATOV, «Petropavl qurylys materıal­dary zaýyty» JShS-niń bas dırektory. Soltústik Qazaqstan oblysy.
Sońǵy jańalyqtar

Ulttyq bolmysty bederlegen

Qoǵam • Keshe

Esimnen ketpes eki etıýd

Rýhanııat • Keshe

Besinshi element

О́ner • Keshe

Aqadyrdyń aqjoltaıy

Sport • Keshe

Qara qazanda qasıet bar

О́ner • Keshe

Uqsas jańalyqtar