«Qyrkúıek aıynda «Ýchaske» jedel aldyn alý sharasy aıasynda 1,7 mıllıonǵa jýyq páter men jeke úılerdi aralap, 130 myńnan astam saıajaılar men 33 myńǵa jýyq sharýa qojalyqtary, qystaqtar men ýchaskeler tekserildi. 29 myńnan astam jaldamaly páter tekserildi, onda memlekettik kirister organdarynda tirkeýsiz turǵyn úıdi jalǵa bergen 5 myńǵa jýyq fakti anyqtaldy», dedi Nurdildá Oraz mınıstrlikte ótken brıfıngte.
Turǵylyqty jeri boıynsha 92 myńnan astam azamattyq qarý ıeleri tekserilgen, nátıjesinde 1,2 myńǵa jýyq adamnyń azamattyq qarý saqtaý erejelerin buzǵany anyqtalǵan.
Aldyn alý sharasy bastalǵaly polısııa qyzmetkerleri 200 myńǵa jýyq ákimshilik quqyq buzýshylyqtyń, onyń ishinde 3,5 myń usaq buzaqylyq faktisiniń, turmystaǵy 4,3 myń buzýshylyqtyń, 30 myńnan astam kóshi-qon zańnamasynyń jolyn kesken.
