Is-sharada komanda jáne bapkerlermen kezdesýde Mádenıet jáne sport mınıstri Aqtoty Raıymqulova quramamyz jankúıerler úmitin aqtap, fýtzal áleminde sensasııa jasaǵanyn jetkizdi.
Bul týraly Mádenıet jáne sport mınıstrliginiń baspasóz qyzmeti habarlaıdy.
«Tabandy oıyn mənerin kórsetip, əlemniń alpaýyt quramalaryna laıyqty qarsylyq kórsettińizder. Terezesi teń oıynda bizdiń qurama sanasýǵa tıis qarsylas ekenin pash ettińizder. Sizderdiń jeńiske degen zor erik-jigerlerińiz, komandanyń uıymshyldyǵy, janqııarlyǵy, patrıotızmniń jarqyn kórinisi kópke úlgi. Sizder úshin ər match ońaıǵa túsken joq. Alaıda sizder syn saǵatta shyn sheber ekendikterińizdi kórsetýmen boldyńyzdar. Halyqaralyq fýtbol federasııasynyń bizdiń quramany adal oıyn kórsetkeni úshin arnaıy júldemen marapattaýy osynyń aıqyn dáleli. Qurmetti fýtbolshylar, bapkerler biz sizderdi maqtan tutamyz», dedi mınıstr.
