Endi jerdi ónerkásiptik, turmystyq nemese ózge de shyǵaryndylarmen nemese qaldyqtarmen lastaǵany, sol sııaqty saqtaý, paıdalaný, tasymaldaý nemese kómý kezinde pestısıdtermen, ýly hımıkattarmen, tyńaıtqyshtarmen, ósimdikterdiń ósý stımýlıatorlarymen nemese ózge de qaýipti hımııalyq, radıoaktıvti nemese bıologııalyq zattarmen jumys isteý qaǵıdalaryn buzý saldarynan jerdi sharýashylyq nemese ózge de qyzmettiń zııandy ónimderimen ýlandyrǵany, lastaǵany nemese ózge de búldirgeni úshin, eger bul áreketter iri ekologııalyq zalal keltirýge ákep soqsa nemese ákep soǵýy múmkin bolsa nemese adamnyń densaýlyǵyna zııan keltirse, belgili bir laýazymdardy atqarý nemese belgili bir qyzmetpen aınalysý quqyǵynan bes jylǵa deıingi merzimge aıyra otyryp nemese onsyz, úsh jyldan on jylǵa deıingi merzimge bas bostandyǵynan aıyrý túrindegi jaza kózdeledi.
Jer qoınaýyn óz betinshe paıdalaný, sol sııaqty paıdaly qazbalardy óz betinshe óndirý, eger bul is-áreketter eleýli zalal keltirse, 3000 AEK-ke deıin aıyppul ne túzeý jumystary ne 800 saǵatqa deıingi merzimge qoǵamdyq jumystarǵa tartý ne úsh jylǵa deıingi merzimge bas bostandyǵyn shekteý sharalary qoldanylady.
Usynylǵan túzetýlerdiń tolyq mátinin «Ashyq NQA» saıtynan kórýge bolady, onda ol 21 qazanǵa deıin jarııa talqylaý úshin ornalastyrylǵan.
