Almaty qalalyq polısııa departamentiniń málimetinshe, kúdiktiniń ustalǵan sáti túsirilgen beıne Instagram jelisinde tarady. Daýly jaǵdaı áleýmettik jelide ońaltý ortalyǵynyń ortalyq qyzmetkeriniń balaǵa kúsh qoldanǵany baıqalatyn beıne jarııalanǵannan keıin týyndady. Beınejazbany blogerlerdiń biri bólisken.
Almatydaǵy jeke ońaltý ortalyǵynda erekshe balalardy uryp-soqqan
Beınejazbadan ortalyq qyzmetkeriniń balanyń qolyn qaıyryp, kúsh kórsetkeni kórinedi. Osydan keıin tárbıelenýshilerdiń ata-analary mekemede mundaı jaǵdaı bir ret qana emes, birneshe márte bolǵan bolýy múmkin degen kúdik bar ekenin aıtqan.
Sátbaevta balaǵa býllıng jasaǵan balabaqsha qyzmetkeri jumystan qýyldy
Ata-analardyń aıtýynsha, beınejazbalarda balalarǵa qatysty basqa da zorlyq áreketteri kórinis tapqan.
«Balalarǵa kúsh qoldaný bir ret qana bolmaǵan. Jattyqtyrýshy ata-analardyń ruqsatynsyz tikeleı efırge shyǵyp, balalardy kórsetken. Sonymen qatar taǵy bir qyzmetkerdiń balanyń ishinen urǵany baıqalatyn beıne bar», delingen jarııalanymda.
Ata-analardyń sózinshe, ortalyqtaǵy kóptegen tárbıelenýshiniń sóıleý qabiletinde aqaý bar. Sondyqtan olar ózderine ne bolǵanyn jaqyndaryna tolyq jetkize almaıdy.
Qazirgi ýaqytta atalǵan derek boıynsha tergeý amaldary júrip jatyr. Quqyq qorǵaý organdary oqıǵanyń barlyq mán-jaıyn anyqtap jatyr.
