Áýejaıdyń baspasóz qyzmeti alyp ushaqtyń qonaǵanyn rastady. Ol janarmaı quıý úshin toqtady. Qazir qaıta ushyp ketti. Habarlandyrýda qaı jaqqa baǵyt alǵany aıtylmady.
Eske salaıyq, An-225 «Mrııa» ushaǵy Almatyǵa ótken jyldyń kókteminde qonaǵan bolatyn. Ol kezde bort Qytaıdyń Tıanszın áýejaıyna COVID-19 qarsy kúres quraldary men medısınalyq qural-jabdyq alý úshin attanǵan.
An-225 «Mrııa» - O.K.Antonov atyndaǵy tájirıbelik-konstrýktorlyq bıýrosy jasaǵan asa aýyr júk tasymaldaýshy kóliktik reaktıvti ushaq. Álemdegi eń úlken ushaq bolyp sanalady.
1984-1988 jyldary Kıev mehanıkalyq zaýytynda jobalanyp salynǵan.
1988 jyly 21 jeltoqsanda ol alǵash ret ushty. 1989 jyly mamyrda ushaqtyń «Boran» ǵarysh kemesimen birge Baıqońyrǵa ushýy boldy, al maýsymda ushaq «Býranmen» birge Le Brýje avıasııalyq salonyna qatysty.
Qazirgi tańda An-225 «Antonovtyń avıajelileri» áýe kompanııasynyń quramynda kommersııalyq júk tasymaldarynda qoldanylýda. Saǵatyna 850 shaqyrym jyldamdyqpen usha alady.
