«Atalǵan is boıynsha sot ony 20 jylǵa bas bostandyǵynan aıyrdy. 2009 jyldyń mamyr aıynyń basynda sottalǵan K. qylmystyq top quryp, esirtki jáne geroın satqany anyqtaldy. Qylmysker ustalyp, Shyǵys qazaqstan oblysy boıynsha QAJ departamentiniń OV-156/15 qaýipsizdigi eń joǵary mekemesine qamaýǵa alyndy», delingen habarlamada.
Sottalǵan reseılik azamat merziminiń kóp bóligi aıaqtalǵannan keıin elimizdiń Bas prokýratýrasyna Reseı Federasııasyna ekstradısııalaý týraly ótinish jazyp, onda qazirgi ýaqytta onyń otbasy men týystary turatynyn jetkizgen.
«QR Bas prokýratýrasy Reseı tarapynan qajetti aqparat pen sottalǵandy qabyldaýǵa, jazasyn óteýshini ekstradısııalaýǵa kelisim aldy», dep naqtylanǵan.
Eske sala keteıik, azamattardy ekstradısııalaý eki el arasynda jasalǵan sharttar negizinde júzege asyrylady. Bas prokýratýranyń málimetinshe, Qazaqstan Reseı Federasııasymen, О́zbekstan, Qyrǵyzstan, Belarýs, Ázerbaıjan, Armenııa, Grýzııa jáne Tájikstan elderimen ekstradısııalaý týraly kelisim-sharttar jasasqan.
