Iаǵnı jazbalardy aýdandyq polısııa bólimderindegi kezekshi toptar men oblystyq polısııa departamentiniń jedel basqarý ortalyǵy qadaǵalap otyrady. Balalardyń qaýipsizdigin qamtamasyz etý maqsatynda óńirdegi 550-den astam bilim ordasyna ıntegrasııalanǵan beınekameralar qoıylǵan. 30 kúndik derek saqtalatyn beınebaqylaý kamerasynan mektepterdiń aýlasynan bastap, kireberisi men dálizderinde, ashanasy men foıesinde, akt jáne sport zalynda ne bolyp jatqanynyń bárin naqty ýaqytymen kórýge bolady. Sondyqtan biz mektepterge ornatylǵan beınekameralar arqyly ol jerge syrttan keletin qandaıda bir qaýipti ýaqytynda anyqtap, tıisti sharalar qoldana alamyz deıdi oblystyq polısııa departamentindegiler.
«Sońǵy kezdegi Qazan, Perm qalasyndaǵy mektepter men oqý oryndarynda bolǵan tótenshe jaǵdaıǵa baılanysty Memleket basshysynyń tapsyrmasy boıynsha mektepterdegi kameralardy jedel basqarý ortalyǵyna qosý boıynsha tapsyrma berilgen bolatyn. Búgingi tańda 919 mekteptiń 61 paıyzy qosyldy. Ol qaýipsizdik pen tártipke shaqyrý úshin óz úlesin qosady», deıdi oblystyq PD bastyǵy Qaırat Dálibekov.
