Taraptar Qazaqstannyń tranzıttik áleýetin arttyrý jáne ony jahandyq kólik dálizderine odan ári ıntegrasııalaý, saýda rásimderin jeńildetý jónindegi halyqaralyq standarttardy iske asyrý, halyqaralyq jetkizilim tizbeginiń qaýipsizdigin qamtamasyz etý jáne kedendik tólemder men salyqtardyń jınalýyn jaqsartý máselelerin talqylady.
Kelissóz barysynda tranzıttik kedergilerdi joıýda QR-nyń DKU-men yntymaqtastyǵyn keńeıtýge, elektrondy saýdany damytýǵa, sheteldermen kedendik aqparat almasý prosesterin standarttaýǵa jáne eksporttyq-ımporttyq operasııalardy odan ári sıfrlandyrýǵa erekshe nazar aýdaryldy.
Úkimet basshysy QR kólik áleýetin arttyrý maqsatynda DKU standarttaryna sáıkes Qazaqstan-Qytaı shekarasynda jańa «Nur Joly» ótkizý beketi salynyp, Qazaqstannyń О́zbekstanmen shekarasynda «B. Qonysbaev», Qazaqstan-qyrǵyz shekarasyndaǵy «Qordaı» ótkizý beketteri jańǵyrtylǵanyn atap ótti. Qosymsha 2024 jylǵa deıin 9 avtomobıl jáne 1 temirjol ótkizý beketin jańǵyrtý josparlanǵan. О́tkizý beketterin jańǵyrtý shekaradan ótý ýaqytyn qysqartyp, olardyń ótkizý múmkindigin 8 esege deıin ulǵaıtýǵa múmkindik beredi.
K. Mıkýrııa Qazaqstanda júrgizilip jatqan keden jáne salyq salalaryndaǵy reformalarǵa, shekaralyq ótkizý beketterin jańǵyrtý, ulttyq taýar ótkizý júıesin qalyptastyrý jáne QR transshekaralyq saýda ınfraqurylymyn damytý boıynsha sharalarǵa joǵary baǵa berdi. Sońǵy úsh jylda DKU Qazaqstanǵa eksporttyq-ımporttyq operasııalar salasyndaǵy negizgi halyqaralyq konvensııalardy ımplementasııalaý jumystary sheńberinde 12 tehnıkalyq mıssııa jiberdi. 2022 jylǵa QR tranzıttik áleýetin arttyrý jáne saýda rásimderin jeńildetý boıynsha 5 mıssııa josparlanǵan.
Qazaqstanǵa osy sapary aıasynda K. Mıkýrııa Túrkistan qalasyndaǵy áýejaıǵa jáne Qazaqstannyń О́zbekstanmen shekarasyndaǵy jańǵyrtylǵan «B. Qonysbaev» ótkizý beketine bardy. 2019 jylǵy naýryzda QR-ǵa sapary kezinde DKU basshysy QR-nyń QHR-men shekarasyndaǵy «Nur joly» ótkizý beketinde, «Astana – STO» beketinde jáne Nur-Sultan qalasyndaǵy «Continental Logistics» kólik-logıstıka ortalyǵynda bolǵan edi.
