Aımaqtar • 06 Qazan, 2021

Almatyda úshem dúnıege keldi

108 ret kórsetildi

Almatylyq jas otbasynda úshem dúnıege keldi, dep habarlaıdy Egemen.kz.

Almaty qalalyq Qoǵamdyq densaýlyq saqtaý basqarmasynyń málimetinshe, 14 tamyz kúni Almaty qalalyq perınataldyq ortalyǵynyń dárigerleri 21 jastaǵy júkti kelinshekti qabyldap, bosandyryp aldy. Ol úshemdi dúnıege ákeldi.

«Sábıler merziminen buryn 902 gramm, 924 gramm jáne 916 gramm bolyp shala týǵan. Degenmen dárigerler osy eki qyz ben ul balanyń ómirin saqtap qalý úshin qoldan kelgenniń bárin jasady. Dúnıege kelgen úshem bastapqyda tynys alý aparatynda boldy. Kútý kezeńi oń dınamıkasyn kórsetken soń, jańa týǵan nárestelerdiń jaǵdaıy turaqtalyp, jalpy bólimshege aýystyryldy. Qazirgi ýaqytta bosanǵan áıel men balalarynyń jaǵdaıy qanaǵattanarlyq», dep habarlady basqarmanyń baspasóz qyzmetinen.

Jas ana men úshem bir jarym aıdan keıin perınataldyq ortalyqtan úıine shyqty.

«Taǵdyr bizge úlken baqyt syılady. Búldirshinderge Muhammed, Ámına jáne Sýmaıa degen esim berdik», deıdi balalardyń anasy Maral Joldybaeva.

Aldaǵy ýaqytta balalardy otbasynyń turǵylyqty jeri boıynsha emhana dárigerleri qadaǵalaıdy.

Sońǵy jańalyqtar

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar