О́tinimderdi qabyldaý 29 qyrkúıekte bastaldy. Uıymdastyrýshylarǵa Qazaqstannyń 17 óńirinen 819 ótinim kelip tústi. Keshe, 8 qazanda qazylar alqasy úzdik 30 jas oryndaýshyny iriktep aldy.
Búgin onlaın-daýys berý bastaldy, ol 12 qazanǵa deıin jalǵasady. Daýys berýge barlyq qazaqstandyqtar qatysa alady. Ol úshin jevision.khabar.kz saıtyna ótip, qatysýshylardyń vıdeolaryn tamashalap, unaǵan qatysýshyǵa daýys bere alasyz.
Qazylar alqasy daýys berýge tańdaǵan balalardyń tizimi:
- Semeıden 11 jasar Ańsar Ádilhanov;
- Atyraýdan 12 jasar Aınel Asqarova;
- Almatydan 12 jasar Sabrına Ádilbek;
- Nur-Sultannan 14 jastaǵy Eset Áljanov;
- Nur-Sultannan 12 jasar Áıgerim Amantaı;
- Almaty oblysynan 10 jasar Sherhan Arystan;
- Aqtaýdan 11 jasar Ámına Asǵatova;
- Ekibastuzdan 13 jasar Altyn Baıtas;
- Strasbýrgte (Fransııa) turatyn 8 jasar astanalyq Beknur Jánibekuly;
- Nur-Sultannan 14 jastaǵy Dinmuhamed Berikov;
- Aqmola oblysynan 14 jasar Isataı Bolathanuly;
- Almaty oblysynan 11 jasar Arýjan Ermek;
- Almatylyq 13 jasar Áıgerim Esmýrzaeva;
- Almaty oblysynan 10 jasar Ábilqaıyr Jumabaı;
- Taldyqorǵandyq 9 jasar Injý Esimjan;
- Nur-Sultannan 12 jastaǵy Adel Kýnadılova;
- Almatydan 11 jasar Aııa Qurmanǵalı;
- Almatydan 12 jasar Jan Makım;
- Almatydan 9 jasar Baıan Muhıden;
- Nur-Sultannan 14 jastaǵy Aqnur Nurjanova;
- Shymkenttik 11 jastaǵy Saǵyn О́mirbaıuly ;
- Aqtaýdan 13 jastaǵy Armen Saakıan;
- Almaty oblysyna 13 jasar Kamıla Aǵymbaı;
- Nur-Sultannan 12 jasar Dalııa Smaǵulova;
- Nur-Sultannan 9 jasar Adına Sýlenova;
- Nur-Sultannan 13 jasar Ekaterına Tabarına;
- Nur-Sultannan 14 jastaǵy Aıana Tólenova;
- Aqsaıdan 12 jasar Túgelbaı Álimjan Túgelbaı, Batys Qazaqstan oblysy;
- Oraldan 11 jastaǵy Alınýr Hamzın;
- Nur-Sultannan 13 jastaǵy Eva Shırko.
Onlaın-daýys berý nátıjeleri boıynsha ulttyq irikteýdiń fınalısteri anyqtalady.
Fınalda jas talanttar óz ánderin oryndaıdy. Olarǵa mýzykalyq shyǵarmalardy qazaqstandyq kompozıtorlar arnaıy jazady.
Jeńimpaz qazylar alqasy músheleriniń baǵalary men SMS-daýys berý nátıjeleri boıynsha anyqtalady. Eń kóp ball jınaǵan úmitker 19 jeltoqsanda Parıjdegi La Seine Musicale konsert zalynda Junior Eurovision Song Contest halyqaralyq án baıqaýynda Qazaqstan namysyn qorǵaıdy.
Qazaqstan aýmaǵynda Junior Eurovision Song Contest baıqaýyn «Habar» telearnasy kórsetedi.
Eske salaıyq, bul - Qazaqstannyń shoýǵa tórtinshi ret qatysýy. Qazaqstan alǵash ret Junior Eurovision baıqaýynda 2018 jyly óner kórsetti. «О́ziń sen» ánin oryndaǵan Danelııa Tóleshova el namysyn qorǵady. Ol altynshy oryn aldy. 2019 jyly Erjan Maksım «Armanyńnan qalma» ánimen ekinshi oryn aldy.
2020 jyly pandemııaǵa baılanysty baıqaý qashyqtan júrgizildi, barlyq qoıylym jazba arqyly usynyldy. Baıqaýda Qazaqstan atynan Qaraqat Bashanova «Foreve» ánimen óner kórsetti, qazylar alqasy men kórermenderdiń daýys berý qorytyndysy boıynsha ol 13 qatysýshynyń arasynda ekinshi boldy.
