Úzdik jas aqyndar anyqtaldy

Jas aqyndar arasyndaǵy respýblıkalyq baıqaýdyń ashylý saltanatynda Shym­kent qalasy ákiminiń birinshi orynbasary Shyńǵys Muqan qatysýshylarǵa sáttilik tilep, is-sharanyń mańyzdylyǵyna toqtaldy. Baıqaýdyń negizgi maqsaty – Táýelsizdiktiń 30 jyl­­dyǵynda jetken je­tis­tikterdi nasıhattaý, áde­bı úr­diste daryndy jas aqyn­­­dar­dyń jarqyrap kó­rinýine jol ashý. Baıqaýǵa eli­mizdiń 14 pen 29 jasqa deıingi 30 jazba aqyny qaty­sýǵa nıet bildirgen. Jas aqyn­dardyń ishinen oza shaýyp, jarqyraı kóringen úz­dikterdi Qazaqstan Jazý­shylar odaǵy basqarma tór­­aǵasynyń orynbasary Ba­qyt Bedelhan, Qazaqstannyń eń­bek si­ńir­gen qaıratkeri Han­­bıbi Esenqaraqyzy, aqyn Ba­qyt­­jan Aldııar, «Qa­­rataý» dás­túrli óner mek­tebiniń us­ta­zy Abaı Qal­sha­bek, «Aı­tys aqyndary men jyr­shy-ter­me­shilerdiń halyq­ara­lyq oda­ǵynyń» múshesi Bek­murat Anar­­baev anyqtady.

Sonymen, Aqtóbe oblysynan kelgen Ershat Qaıboldın ádebı baıqaýdyń bas júldesi «Kúmis qalam» ıegeri atandy. Aqtyq synǵa shyqqan Al­­­maty oblysynyń ókili Aı­­dana Qaısarbek Esenǵalı Raý­­shanov atyndaǵy arnaıy syı­lyqpen marapattaldy. Jar­­tylaı fınalǵa ótken 4 aqyn – Nurbolat Joldasbek (Jambyl oblysy) «Járken Bó­deshuly», Álimjan Áli­sher (Shymkent qalasy) «Ábilda Aımaq», Muqaǵalı Ken­jetaı (Túrkistan oblysy) «Jeńis Bahadúr», Saltanat Ma­dııar­qyzy (Shymkent qa­lasy) Ádil Botpanov atyndaǵy syı­lyqqa ıe boldy. Qalǵan 14 aqy­nǵa qalamaqy men ba­ǵaly syı­lyqtar berildi.

Sondaı-aq elimizde al­ǵash ret uıymdastyrylyp otyr­ǵan respýblıkalyq «Kú­mis dombyra» báıgesinde nıet bildirgen 30 aıtysker aqynnyń irikteý nátıjesi boıynsha 16-sy baq synady. Aıtys óneriniń shyńy sanalyp júrgen «Altyn dom­byra» úrdisimen ótken «Kú­mis dombyra» aıtysynda ke­shegi ómirden ótken Áselhan Qalybekovanyń shákirtteri Marjan Esjanova men Ká­rıma Oralova, memlekettik «Daryn» syılyǵynyń laý­rea­ty Bekarys Shoıbekov, Syr súleıleriniń tuıaǵy, «Al­tyn dombyrany» úsh dúrkin je­ńip alǵan Muhtar Nııazov, «Shymkent kelbeti» gazetiniń bas redaktory Bah­tııar Taı­jan qazylyq etti. Saıys ná­tıjesi boıyn­sha Aqmola ob­lysynyń ókili Nurmahan Ja­qypbek bas júlde – «Kú­mis dombyra» ıe­geri atandy. Al Aı­sholpan Tóleýtaı (Shyǵys Qa­zaqstan oblysy) 1-oryn­­ǵa ıe bolsa, Beksultan Orynbasarov (Qyzylorda oblysy) 2-oryn, Meıirjan Jaqyp (Túrkistan oblysy) pen Nurǵalı Ánapııa (Shym­kent qalasy) 3-oryndy je­ńip aldy.

Shymkent qalasy ákiminiń birinshi orynbasary Shyńǵys Muqan, qalalyq máslıhat hatshysy Bahadyr Narymbetov jeńimpazdardy quttyqtap, baǵaly syılyqtarmen marapattady.