«Er Tóstik» ádebı baı­qaýynyń jeńimpazdary marapattaldy

Mazmundy is-sharanyń maq­saty − balalar men jasóspirim­derge arnap jazatyn talantty qalam­gerlerdi anyqtaý jáne balalar ádebıetin qoldaý men damytý. Bıylǵy baıqaý 2 tamyz ben 2 qazan aralyǵynda ótip, oǵan 90 avtordyń shyǵarmasy túsken. Olardy belgili aqyn-jazýshylar sarapqa saldy.

Marapattaý rásimi saltanatty jaǵdaıda ótip, oǵan qoǵam qaıratkerleri men qalamgerler qatysyp, jeńimpazdarǵa jyly lebizin bildirdi.

− Balamyz atqa shapsa, qýa­na jar salatyn halyqpyz. Bola­shaǵymyzdy jalǵastyrýshy balalarymyz ekenin de únemi aıtyp júremiz. Odan bólek, qazaqta ejel­den kele jatqan jaqsy sóz bar. «Shabylmaǵan júırikti, sha­­ǵyl­maǵan bala shapsyn» degen. Sol aıtqandaı, búgingi «Er Tóstik» ádebı baıqaýynda izi bit­peıtin, tuıaǵy ketpeıtin tulpardy ıelengen júırikterimiz árdaıym shaba bersin. Barlyq je­ńimpazdy quttyqtaımyn! − dedi, aqyn, Mem­­lekettik syı­lyqtyń laýreaty, Qazaqstan Ja­zýshylar oda­­ǵynyń tóraǵasy Ulyqbek Esdáýlet.

Sonymen óner báıgesiniń «Proza» atalymynda birinshi oryn­dy Nurbek Nurjan jeńip alsa, «Ertegi» atalymynda Bal­nur Qy­zyrbekqyzynyń baǵy jandy. Al «Balalarǵa arnalǵan óleńder» atalymynda belgili aqyn Shámshııa Jubatova jeńim­paz atanyp, «Úz­dik ıllıýstrasııa» atalymynda birinshi oryndy talantty sýretshi Jeńis Káken ıelendi.